Whiplash (2014)

Ungur og hæfileikaríkur trommuleikari fer í virtan tónlistarskóla þar sem hann nemur undir stjórn virtasta kennara í skólanum, sem gerir í því að móðga og niðurlægja nemendur. Þeir tengjast böndum þó ólíkir séu, og nemandinn reynir að ná stórkostlegum árangri, en kennarinn reynir að stöðva hann. Kvikmyndin Whiplash tekst á við klisjuna um tónlistarundrið þar sem snillingurinn þarf að takast á við innri djöfla. Sannleikurinn er nefnilega sá að á bak við frægustu tónlistarmenn sögunnar liggja heilu árin af þrotlausum æfingum og seiglu. Whiplash segir frá djasstrommuleikaranum Andrew. Hann vill verða einn af þeim bestu í sínu fagi og til þess að svo geti orðið þarf hann að leggja hart að sér. Andrew kemst í hljómsveit hjá frægum stjórnanda, leiknum af J.K. Simmons. Sá er alræmdur fyrir að getað endað feril ungra tónlistarmanna áður en hann hefst. Hann reynist í ofanálagi hryllilegur skaphundur, og er raunar lýst sem listrænum tvíbura liðsforingjans í Full Metal Jacket, í gagnrýni kvikmyndablaðsins Variety. Barátta Andrews verður svo töluvert flóknari þegar hann þarf að takast á við ástina og metnaðarfulla tónlistarkeppni á sama tíma – en umfram allt, sig sjálfan. Í myndinni má finna frábæra djasstónlist auk þess sem leikararnir fara á kostum í túlkunum sínum á margbrotnum manneskjum í hörðum heimi tónlistarinnar.