Uncle Buck (1989)

John Candy leikur hinn atvinnulausa og óskipulagða Buck sem tekur að sér að passa börn bróður síns í nokkrar vikur. Uncle Buck er ágætis mynd á marga vegu og á John Candy aleinn og sjálfur allan heiðurinn af því þó að Jean Kelly kryddi líka myndina smávegis með sínum góðu töktum sem uppreisnartáningsstúlkan Tia. Uncle Buck er þó ekki eins fyndin og hún vill vera. Candy er mjög góður hér en húmorinn verkar samt oft þvingaður. Myndin lofar sterkum boðskap en svo reynist hann vera eiginlega enginn. Alveg fín mynd samt sem er hægt að skemmta sér yfir og reyndar skapar leikstjórinn John Hughes eftirminnilega stemningu en honum tókst samt betur upp með The Breakfast Club. Eða það finnst mér. Tvær og hálf stjarna.

Þetta er svona sú mynd sem ég horfði á sem krakki, og gat ávalt hlegið af. Og enþá dag í dag horfi ég á hana stöku sinnum, og skemmti mér ávalt konunglega.


Myndin er með hinum eina sanna John Candy, sem var alveg yndislegur leikari, en hann lést árið 1994 aðeins 44 ára gamall. Og lést hann af völdum hjartaáfall. Sem stafaði af offitu.


Myndin er lauslega um Uncle Buck eða Buck frænda sem fær það hlutverk að passa frændsystkini sín, því að faðir mágkonu hans fær hjartaáfall, og þurfa foreldranir að fljúga til hans og sjá um hann meðan hann nær sér. En Buck er sendur til að passa krakkana, og hefur ekki séð þau mjög lengi. Og krakkarnir þekkja hann lítið sem ekki neitt.

Og í fyrstu er hann ekki mikið velkomin af krökkunum, og þá helst af elstu stelpunni sem er leikin af Jean Louisa Kelly, sem leikur í yes dear þáttunum, sem eru sýndir á skjá einum.

En hann reynir sitt besta að sjá um krakkana meðan foreldranir eru í burtu, og lendir í hinum skrautlegu hremmingum.


Myndin fynnst mér mjög góð, og kemur manni ávalt í góða skapið. Rosalega góð fjölskildu mynd, og svona ein af þeim myndum sem ég horfi altaf á jólunum. Þessi og svo Die hard..:)