The Troll Hunter (2010)

Ríkisstjórnin segir að það sé ekkert að óttast – þetta eru bara birnir að gera sig breiða upp til fjalla og í skógum Noregs. En veiðimennirnir á svæðinu þykjast vita betur og sömuleiðis þrír háskólanemar sem vilja komast til botns í málinu. Með myndatökuvél að vopni elta þau dularfullan veiðiþjóf sem vill ekkert með þau hafa. Áður en þau vita af eru þau komin á slóð bráðarinnar – tröllanna – og fá að kynnast þessu ólíkindatóli, tröllaveiðaranum, og þjóðsagnaverunum sem hann hefur eytt lífi sínu í að eltast við. En spurningin er: hver er bráðin núna?