The Bank Job (2008)

Ég sá The Bank Job með væntingar í lágmarki, en kom útúr bíóinu virkilega sáttur.Jason Statham hefur alltaf verið svalur en ekki beint afbragðs leikari. Hér skilar kallinn bæði töffaraskap og góðri frammistöðu.Myndin sjálf er stanslaus á ferð og eiginlega allan tímann spennandi. Hún er reyndar ekki mjög frumleg, en hún heldur manni engu að síður vel föstum við skjáinn, og þá sérstaklega eftir hlé.Gagnrýnendur hafa gengið svo langt með að segja að þetta sé besta glæpamynd sem komið hefur út í langan tíma.Ég verð að vera sammála.

The Bank Job er bresk krimmamynd með þeim ágæta leikara Jason Statham í aðalhlutverki. Óhefðbundið bankarán leiðir af sér ljómandi fjöruga atburðarrás með byssum, ofbeldi og ljósmyndum sem ekki mega leka í fjölmiðla. Handritið er fjölbreytt og flestar(ekki alveg allar) persónurnar eru viðkunnalegar þó ekki eftirminnilegar beint. Jason Statham er yfirleitt eins í myndum sem hann leikur í en á móti kemur að hann er alltaf skemmtilegur.Gæðin eru ekki mikil í The Bank Job, þetta er engin snilld en samt virkilega góð skemmtun frá A til Ö. Tvær og hálf stjarna eða 7/10 í einkunn.