The Banger Sisters (2002)

The Banger sisters er góð en því miður þynnist hún þegar fer að líða á hana. Fyrstu tveir þriðjungarnir eiga þrjár stjörnur skilið en síðasti ekki nema tvær þannig að tvær og hálf stjarna held ég að sé sanngjarn dómur. Kostirnir eru þó nokkrir,til að mynda er myndin svona nokkurskonar óður til hippatímans þó að hún eigi að gerast árið 2002. Goldie Hawn fer á kostum í hlutverki sínu og hreinlega á alla myndina. Susan Sarandon stendur Goldie reyndar töluvert að baki en Geoffrey Rush kemur mjög sterkur inn í afskaplega kostulegu hlutverki. Það er hægt að hlæja eitthvað að myndinni en að mínu mati ekki alveg nógu oft. Þegar upp er staðið er The Banger sisters gölluð mynd en prýðileg engu að síður og ef þú ert ekki búin(n) að sjá hana sé ég ekkert að því að þú gerir það sem allra fyrst.

Það er óhætt að mæla með myndum eins og Banger Sisters fyrir alla, myndin segir af tveimur fyrrverandi grúbbpíum, önnur þeirra er föst í sama farinu (Goldie Hawn) en hin er búin að giftast lögfræðing og er orin ansi snobbuð (Susan Sarandon), hvað gerist svo þegar sú fyrrnefnda fer og hittir hina?

Vel leikin mynd með fullt af góðum leikurum en það er engum vöngum að velta yfir því að Geoffry Rush sýnir stórleik í aukahlutverki sem sérvitur rithöfundur sem aldrei hefur meikað það, hann ætti skilið tilnefningu fyrir hlutverkið.

Frábær og raunsæ gamanmynd sem engin ætti að láta fram hjá sér fara.