Talk Radio (1988)

Barry Champlain er útvarpsþáttastjórnandi í Texas sem stjórnar þætti sem kallast Night-Talk sem gengur um að tala um mikilvæg málefni eins hratt og hægt er en Barry sem er ekki mjög kurteis skellir á alla. Ég er ekki viss hvort þessi mynd sé ýkt eður ei því fólkið sem talar við hann er of skrítið til þess að geta verið til en þessi mynd er líka byggð á sannleika. Handritið er glæsilega skrifað, 70% af myndinni gerist í þessum útvarpsþætti og samræðurnar eru rosalegar og Eric Bagosian er helvíti góður í þessu hlutverki. Oliver Stone fyllti Talk Radio af áróðri gegn bandarísku siðferði og gerir það þó kannski einum of mikið en Talk Radio er helvíti góð mynd og alveg pottþétt þess virði að sjá oftar en einu sinni.