Southpaw (2015)

Hnefaleikamaður sem hefur unnið sig í fremstu röð gerir hrikalega dýrkeypt mistök eitt kvöldið sem leiða til algjörs hruns á ferli hans og einkalífi og neyða hann í raun til að byrja líf sitt upp á nýtt. Billy Hope hefur með elju og ástundun orðið meistari í millivigt og lifir nú góðu lífi ásamt eiginkonu sinni og dóttur sem hann hefur þó lítið umgengist vegna stífra æfinga og keppni. Eiginkona hans, Maureen, hefur þrábeðið hann að hætta keppni til að geta eytt meiri tíma með þeim mæðgum og að því kemur að Billy ákveður að verða við þeirri bón og segja skilið við hringinn. En kvöldið sem hann tilkynnir opinberlega að hann hafi ákveðið að draga sig í hlé frá hnefaleikunum gerist atvik sem á eftir að gjörbreyta öllu ...