Pressure (2015)

Fjórir menn sem starfa við að laga olíuleiðslur í sjó verða innlyksa í kafkúlu sinni á hafsbotni þegar móðurskip þeirra laskast alvarlega í miklum stormi og sekkur. Myndin segir frá fjögurra manna teymi sem hefur það áhættusama starf með höndum að halda við olíuleiðslum sem lagðar hafa verið á hafsbotni Indlandshafs og gera við þær þegar svo ber undir. Dag einn kemur í ljós að leki er kominn að einni leiðslunni sem aftur krefst skjótra viðbragða og viðgerðar án tafar. Fjórmenningarnir fara því þegar í „Bjölluna“, en svo nefnist kafkúlan sem þeir nota til að komast í á hafsbotn. Svo illa vill til að skömmu eftir að þeir eru komnir á botninn skellur gríðarlegt stórviðri á sem sökkvir móðurskipi þeirra og þar sem Bjallan er enn föst við það verða góð ráð dýr ...