Nomadland (2020)

Myndin segir frá Fern, konu á sjötugsaldri, sem heldur af stað í ferðalag á sérútbúnum sendiferðabíl eftir að hafa tapað öllu í efnahagshruni heimabæjarins Empire í Nevada ríki árið 2011. Hún leitar að vinnu þar sem hana er að hafa, milli þess sem hún ferðast á milli staða. Fern, sem er ekkja og fyrrum afleysingakennari, kannar tilveruna utan við hið hefðbundna samfélag og lifir lífinu eins og nútíma hirðingi. Hún hittir á ferðalaginu margskonar fólk sem ástundar sama lífsstíl og hún.