Leonie (2010)

Ung, bandarísk kona eignast son með japönskum unnusta sínum og fer með honum til Japans þar sem hún neyðist fljótlega til að standa á eigin fótum. Kvikmyndin Leonie er saga Leonie Gilmour sem árið 1904 eignaðist soninn Isamu Noguchi með unnusta sínum, japanska ljóðskáldinu Yone Noguchi og flutti síðan til hans í Japan þar sem hún komst að því að hann átti tvær aðrar eiginkonur. Við það gat Leonie ekki sætt sig, ákvað að yfirgefa Yone og freista þess að standa á eigin fótum í Japan. Það átti hins vegar eftir að reynast erfitt í landi þar sem hún var svo gott sem bæði fordæmd og mállaus og aldagamlir siðir voru allt öðruvísi en hún hafði fram að því vanist ...