Latibær - sería 4 - Förum til tunglsins (2015)

Hér er kominn fyrsti diskurinn í fjórðu seríu hinna bráðskemmtilegu þátta um krakkana í Latabæ, Glanna glæp og Íþróttaálfinn sem hefur ráð undir rifi hverju. Diskurinn inniheldur fjóra þætti sem eru hver öðrum skemmtilegri og fjörugri. Þeir eru: Förum til tunglsins Sería 4 hefst á því að krakkarnir eru í geimfaraleik sem gefur Glanna þá hugmynd að flytja til tunglsins þar sem hann væri laus við Íþróttaálfinn og hávaðasama krakka. Glanni flýgur til tunglsins með krakkana á hælum sér, en vandræðin eru á næsta leiti og enn er það Íþróttaálfurinn sem þarf að mæta á staðinn og bjarga þeim úr vandræðum. Síðasta íþróttanammið Glanni ákveður að ferðast aftur í tímann til að koma í veg fyrir að Jóhann íþróttanammifræðingur gróðursetji fyrsta íþróttanammitréð. Íþróttaálfurinn og krakkarnir verða að stöðva Glanna áður en allt íþróttanammið í Latabæ hverfur. Leynivinadagur Þegar krakkarnir eru að leika sér í leynivinaleik veldur misskilningur því að Halla treystir Sollu ekki lengur og yfirgefur leikinn. Á meðan er Íþróttaálfurinn fjarverandi í leiðangri og spurningin er: Munu þær Halla og Solla ná að bjarga vináttu sinni án hans? Nýr krakki í bænum Spýtustrákurinn Gosi birtist í Latabæ til að hjálpa Glanna að ljúga að krökkunum og sannfæra þá um að borða sykurhúðaðan sleikjó. Solla og Íþróttaálfurinn lenda í kappi við tímann að færa krökkunum íþróttanammi og hjálpa þeim að ná aftur upp orku. Hver þáttur er tæplega 30 mínútur að lengd.