Skoppa og Skrítla - Óskastund - Þættir 6 - 10 (2016)

Hér er að finna seinni fimm þættina í þáttaröð með Skoppu og Skrítlu sem framleidd var síðastliðið haust, en fyrri þættirnir fimm komu út í desember. Lífið er sannarlega leikur hjá vinkonunum Skoppu og Skrítlu sem hér bjóða áhorfendum á öllum aldri inn á leikvöllinn þar sem þær dvelja nánast öllum stundum þegar þær eru ekki í leikhúsinu. Þær vita sem er að börnum sem heimsækja þær finnst gaman að leika sér og í gegnum leikinn öðlast þau hæfni og þor. Skoppa og Skrítla eru líka ávallt með jákvæðnina að leiðarljósi enda syngja þær sig og dansa í gegnum hverja þá þraut sem á vegi þeirra verður. Ekkert er þeim óviðkomandi og þær eiga ótal vini og vinkonur sem leggja þeim lið og styðja. Þar fara fremst í flokki þau Lúsí krús, Bakari Svakari og fjörkálfurinn Zúmmi sem er alltaf til í tuskið og ný ævintýri með Skoppu og Skrítlu og gestum þeirra...