I Saw the Light (2016)

Kántrítónlistarmaðurinn Hank Williams tókst á sinni stuttu ævi að skapa sér nafn sem einhver mesti áhrifavaldur í tónlist síns tíma. Þetta er saga hans. Williams fæddist í september árið 1923 og lét snemma að sér kveða í tónlistarlífi Bandaríkjanna með lögum eins og Cold Cold Heart, I'm So Lonesome I Could Cry og I Saw the Light svo einhver séu nefnd. Vegna fæðingargalla í hrygg þjáðist Hank af viðvarandi bakverkjum og til að vinna bug á þeim tók hann verkjalyf sem hann varð síðan háður, en það ásamt síaukinni áfengisdrykkju átti eftir að binda ótímabæran enda á líf þessa mikla snillings.