Þegar sérlundaði auðmaðurinn Stephen Price, og djöfulleg eiginkona hans, Evelyn, bjóða sex ókunnugu fólki, eina milljón dala hverju, þurfa þau aðeins að gera eitt: þau...
Hin leiðinlegasta mynd þar sem sýnd eru verulega ósmekkleg atriði sem fá ekki hárin til að rísa heldur fær maður áfall af vonbrigðum. Alla myndina gat ég ekki hugsað annað en hvað va…
Hin leiðinlegasta mynd þar sem sýnd eru verulega ósmekkleg atriði sem fá ekki hárin til að rísa heldur fær maður áfall af vonbrigðum. Alla myndina gat ég ekki hugsað annað en hvað var ég að hugsa að fara á þessa hörmung. Ég vara alla þá sem ekki hafa séð myndina að halda sig í nokkurra kílómetra fjarlægð, það er ykkur fyrir bestu.
Enn ein endurgerðin frá Hollywood. Í þessu tilfelli varð gömul Vincent Price hrollvekja eftir William Castle fyrir valinu og er útkoman slök eins og kannski mátti búast við. Myndin segir fr…
Enn ein endurgerðin frá Hollywood. Í þessu tilfelli varð gömul Vincent Price hrollvekja eftir William Castle fyrir valinu og er útkoman slök eins og kannski mátti búast við. Myndin segir frá auðjöfrinum Stephen Price, sem nýtur þess að hræða líftóruna úr fólki með alls kyns bellibrögðum. Hann leigir dag einn gamalt afskekkt geðsjúkrahús, sem staðið hefur tómt síðan á millistríðsárunum vegna óhugnanlegrar fortíðar þess og orðróms um draugagang, og býður þangað fimm gestum síðla kvölds og heitir hverjum þeirra milljón dollara í verðlaun, haldi þeir út nóttina innan dyra. Enda þótt gestirnir þekki fæstir gestgjafa sinn, láta þeir allir til leiðast. Þeir eru þó bara rétt komnir inn fyrir ásamt gestgjafanum, eiginkonu hans og húsverðinum, þegar þykkir stálhlerar loka skyndilega öllum gluggum og útgönguleiðum og gauragangurinn hefst fyrir alvöru. Í ljós kemur að myrkraöflin höfðu fiktað eitthvað við gestalistann í gegnum netið og kannast auðjöfurinn því ekki heldur við alla gesti sína. Hrollvekjudagskráin hans fer líka úr böndunum og gestirnir taka að týna tölunni einn af öðrum, yfirleitt með afar subbulegum hætti. Ef nautheimskur söguþráðurinn er umborinn, má finna nokkur ágæt hrollvekjuatriði í fyrri hluta myndarinnar, en um leið og tæknibrellurnar ná yfirhöndinni verður hún aðeins langdregin og þreytandi, auk þess sem endirinn verður að teljast afspyrnu vondur. Geoffrey Rush leggur sig fram við að stæla Vincent gamla Price með slökum árangri en tekur hlutverkið að öðru leyti ekki alvarlega. Aðrir leikarar sleppa naumlega frá sínu.
Mjög góð mynd. Geoffrey Rush leikur sitt hlutverk mjög vel. Síðan eru aðrir svona ágætir, eins og Taye Diggs(sem mun sjást næst í The Way of the gun, sem ég bíð spenntur eftir) og Famke…
Mjög góð mynd. Geoffrey Rush leikur sitt hlutverk mjög vel. Síðan eru aðrir svona ágætir, eins og Taye Diggs(sem mun sjást næst í The Way of the gun, sem ég bíð spenntur eftir) og Famke Jensen(þið kannski þekkið hana betur í X-men) Hún fjallar um skemmtigarðaeiganda sem býður 5 manns í sem ég myndi kalla svokallað „partý“ sem er haldið á stað þar sem geðveikir morðingjar voru á og hann býður hverri manneskju 1 milljón fyrir að lifa af nóttina. That´s all. Hún fær 4 stjörnur hjá mér.
Myndin er ein þeirra mynda sem fá hárin virkilega til að rísa með almennilegum draugagangi og mögnuðu hljóði og lýsingu og nóg af blóði. Grunnþættir fyrir hrollvekju sem mér finnst fa…
Myndin er ein þeirra mynda sem fá hárin virkilega til að rísa með almennilegum draugagangi og mögnuðu hljóði og lýsingu og nóg af blóði. Grunnþættir fyrir hrollvekju sem mér finnst fara of lítið fyrir. Blair Witch Project þó ágætis undantekning. Rosalegur tryllir.
Ég bjóst nú ekki við miklu af þessari mynd. En þetta er mjög góð hryllingsmynd. Handritið er kannski ekki algjör snilld en það eru mjög góðar myndatökur og visual effects sem láta hárin rísa. Leikararnir eru ágætir og persónurnar eru mjög skemmtilegar.
Gaman er að sjá að Hollywood hefur algjörlega hafnað unglingahrollvekjunni (eftir hina ÖMURLEGU Urban Legend) og eru framleiðendur farnir að leita eftir nýju gömlu efni til að mergsjúga. Þeir hefðu getað valið verr. House on Haunted Hill er mjög gamaldags hrollvekja, persónur eru þunnar og eru allar hverjar stereótýpur, en William Malone (leikstjórinn) fer þá gáfulegu leið að gera myndina smá camp í byrjun. Eftir smá stund, eftir að allt hefur verið nægilega kynnt, þá byrjar hryllingurinn - og myndin gengur ágætlega; skemmtileg, ógnvekjandi og flott. En einhverstaðar á leiðinni hafa aðstandendur myndarinnar ákveðið að eyðileggja hana algjörlega með því að skella tölvubrellum inn í síðustu tuttugu mínúturnar. Þetta virkar bara alls ekki, eins og sást í mynd Jan De Bont, The Haunting. Samt má hafa gaman að Geoffrey Rush of Famke Janssen, og jafnvel koma Bridgette Wilson og Chris Kattan manni á óvart. Skemmtileg, en gölluð mynd - alveg þess virði að sjá.
Árlega virðist grípa um sig eitthvað æði í Hollywood þar sem margar myndir koma út byggðar á nauðalíkum söguþræði, eldri dæmi um þetta eru Armageddon-Deep Impact og Volcano-Dante'…
Árlega virðist grípa um sig eitthvað æði í Hollywood þar sem margar myndir koma út byggðar á nauðalíkum söguþræði, eldri dæmi um þetta eru Armageddon-Deep Impact og Volcano-Dante's Peak. Síðasta ár voru það andsetin hús og út úr því komu myndirnar The Haunted og þessi. Það verður að segjast eins og er að báðar þessar myndir eru frekar slappar og að mínu mati er Hollywood er á villigötum með myndir af þessu tagi, það skapar ekkert endilega betri kvikmynd að ofhlaða tæknibrellum - lítið bara á The Shining sem dæmi. En hvað um það, myndin segir frá léttgeggjuðum skemmtigarðaeiganda sem býður fimm manns í hús sem er sagt vera reymt og býður þeim milljón dali hverju ef þau lifi af nótt í húsinu (það kemur reyndar aldrei almennilega fram afhverju hann gerir þetta). Það er skemmst frá því að segja að hópurinn fær að vinna fyrir peningunum sínum (þeir sem lifa af það er að segja). Leikhópurinn samanstendur af nokkrum þekktum nöfnum; Geoffrey Rush, Famke Jensen og Will Kattan (úr A Night at the Roxbury). Enginn sýnir nein sérstök tilþrif en það er reyndar svoldið áhugavert og öfugsnúið samband milli hjónanna sem Rush og Jensen leika og kemst ágætlega til skila. Fyrstu 30 mínúturnar lofuðu frekar góðu en fljótlega fóru augun að reika um salinn og í lokin var þetta næstum því orðið þreytandi bara. Ýmislegt má líka setja út á handritið, mér finnst til dæmis frekar hæpið að draugar gætu notað Internetið. Myndin rétt nær því að vera sæmileg hrollvekja, hún gæti hafa verið talsvert betri ef nokkur atriði hefðu verið löguð.
Not under 16
Violence
Sex
Profanity
