Fit Hostel (2013)

Á gistiheimilinu Fit í Njarðvík er rekið flóttamannahæli. Þar hafast við hælisleitendur frá ólíkum heimhornum sem hafa flúið heimalönd sín vegna stríðs, ofsókna, eða annarra hörmunga. Þeir koma frá Afghanistan, Írak, Íran, Rússlandi, Máritaníu, Súdan, Alsír o.s.frv. Fylgst er með nokkrum einstaklingum en líf þeirra einkennist af örvæntingu og hræðslu, óvissu og reiði. Enginn veit sín örlög, þeir bíða eftir svörum frá íslenskum yfirvöldum um hvort þeir fái dvalarleyfi hér á landi, eða verði sendir til baka.