Dóra landkönnuður 16 (2012)

Þættirnir um Dóru landkönnuð og vini hennar eru litríkir, skemmtilegir og fullir af fróðleik. Á þessum DVD-diski er að finna fimm þætti: Hvolpar í vanda: Dóra og Klossi stökkva inn í nýja tölvuleikinn sinn til að bjarga hvolpunum frá hundaveiðaranum. Hjálpaðu þeim að telja. Segðu „please“: Litli björninn með löngu rófuna vill verða kóngur en kann ekki töfraorðið svo Dóra þarf að hjálpa honum. Litla risaeðlan: Dóra, Diego og Klossi ferðast aftur í tímann svo þau geti hjálpað lítilli risaeðlu að finna mömmu sína. Dagurinn hans Klossa: Í dag ætlar Klossi að heimsækja pabba sinn í vinnuna, en það er það skemmtilegasta sem Klossi gerir. Suðurpóllinn: Dóra, Klossi og Diego ferðast til Suðurpólsins og hjálpa þar lítilli mörgæs að finna leiðina heim.