D2: The Mighty Ducks (1994)

Þeir eru mættir aftur íshokkíleikmennirnir snjöllu í The Mighty Ducks liðinu. Og núna verða þeir svo sannarlega að taka á honum stóra sínum því andstæðingarnir eru komnir alla leið frá klakanum kalda: Ísland! Emilio Estevaz (Stakeout, Young Guns) leiðir krakkana enn sem fyrr í baráttunni en nú er íslenska leikkonan María Ellingsen hans helsti óvinur sem þjálfari Íslendinganna. Tekst krökkunum að klára dæmið og leggja íslenska liðið að velli? Með hverjum eigum við að halda? Hverjir eru eiginlega okkar menn? Íslendingar geta hreinlega ekki látið þessa mynd framhjá sér fara! Hraði, grín og spenna fyrir alla meðlimi fjölskyldunnar!