American Sniper (2015)

Bandarískur sérsveitarmaður rekur feril sinn í hernum, þar sem hann var leyniskytta og drap 160 manns, sem er meira en nokkur önnur leyniskytta í bandaríska hernum hefur gert. Sönn saga bandaríska hermannsins og leyniskyttunnar Chris Kyle sem staðfest er að hafi komið að minnsta kosti 160 óvinum í Írak fyrir kattarnef og þurfti oft að taka erfiðar ákvarðanir. Chris Kyle var leystur með sæmd frá störfum í bandaríska hernum árið 2009 eftir að hafa hlotið fjölmörg heiðursmerki fyrir framgöngu sína. Hann skrifaði síðan bókina American Sniper sem gefin var út árið 2012 þar sem hann sagði óvenju hispurslaust frá reynslu sinni í Írak og er þessi samnefnda mynd Clints Eastwood að mestu byggð á henni.