Intersections (2013)

Þau Scott og Taylor Dolan eru hjón á ferðalagi í Marokkó. Á yfirborðinu lítur allt út fyrir að vera í stakasta lagi en staðreyndin er sú að Taylor hefur ásamt elskhuga sínum lagt á ráðin um að myrða Scott í ferðinni og tryggja um leið að ekki falli grunur á hana. En þessi ráðagerð fer úrskeiðis þegar hjónin lenda í slysi á fáförnum gatnamótum í miðri eyðimörkinni og verða í kjölfarið strandaglópar þar ásamt hópi fólks sem hvert um sig hefur eitthvað að fela ...