Here Comes the Boom (2012)

Kevin James leikur menntaskólakennarann Scott Voss sem finnst eins og líf hans hafi staðnað að vissu leyti og að hann sjálfur sé í lausu lofti. Þegar skólayfirvöld tilkynna að framundan sé sársaukafullur niðurskurður í skólastarfinu kemst Scott að því að sá fyrsti sem verður látinn fara er besti vinur hans, Marty Strep (Henry Winkler), sem haldið hefur uppi tónlistarkennslu skólans. Við þetta getur Scott ekki sætt sig og ákveður að gera sitt til að afla þess fjár sem vantar svo tónlistardeildin geti starfað áfram. Ekki líður á löngu uns hann dettur niður á hina fullkomnu lausn, þ.e. að taka þátt í bardagakeppnum með frjálsri aðferð, en þeir sem ná langt í þeirri íþrótt geta víst þénað vel um leið. Vandamálið er að Scott kann bara ekkert að berjast!