The Rolling Stones: Some Girls, Live in Texas (2011)

Hér er á ferðinni glæný tónleikamynd frá The Rolling Stones sem aldrei áður hefur komið fyrir almenningssjónir. Myndin inniheldur upptökur frá tónleikum sveitarinnar í Fort Worth, Texas árið 1978, stuttu eftir útkomu breiðskífunnar Some Girls. Hljómsveitin var þá á hápunkti feril síns og tónleikamyndin sýnir meðlimi sveitarinnar í sínu besta formi. Myndin var tekin upp á 16 mm filmu en hefur nú verið uppfærð í hærri upplausn og hljóð myndarinnar fært frá upprunalegu hljóðrásunum yfir í 5.1 surround hljóð. Á undan sjálfum tónleikum verður sýnt nýlegt viðtal við Mick Jagger þar sem hann kynnir tónleikana og veitir innsýn í mikilvægi þeirra fyrir sögu The Rolling Stones. The Rolling Stones: Some Girls, Live in Texas er hrá og kraftmikil tónleikamynd sem fangar sveitina eins og hún gerist hvað best. Auk laga af meistaraverkinu Some Girls koma einnig fyrir lög á borð við Honky Tonk Woman, Brown Sugar, Tumbling Dice og Jumpin' Jack Flash.