After the Wedding (2006)

Jakob hefur helgað líf sitt því að hjálpa götubörnum á Indlandi. Reksturinn á barnaheimilinu gengur þó ekki sem best og hætta á að því verði lokað. Þegar fokið virðist í flest skjól berst honum óvenjulegt tilboð. Danskur viðskiptajöfur, Jörgen að nafni, býður honum styrk upp á fjórar milljónir dollara – en með ákveðnum skilyrðum. Jakob verður að koma heim til Danmerkur og taka þátt í brúðkaupi dóttur hans. Brúðkaupið veldur þáttaskilum í lífi Jakobs þar sem fortíð og framtíð mætast og hann þarf að velja milli erfiðra kosta.