The Incredible Hulk (2008)

Af því að fólk var ekki alveg nógu sátt við Hulk mynd Ang Lee var ákveðið að byrja upp á nýtt með nýju fólki og breyttri stefnu. Eins og síðast eru gæðaleikarar í helstu hlutverkum. Edward Norton er orðinn Bruce Banner og passar eiginlega betur í karaketerinn en Eric Bana að mínu mati. Liv Tyler er orðin Betty Ross. Ég er ekki mikill aðdáandi hennar, hún kemst ekki nálægt Jenniferi Connelly! Þessar risa varir frá Steven Tyler eru eins og eins og hún sé alltaf að borða skinku samloku eða eitthvað. Anywho, Tim Roth kemur sterkur inn sem illmennið sem breytist í The Abomination. Upprunanum er breytt úr blöðunum en skiptir ekki öllu. Mér fannst hann mjög vel heppnaður og frábær andstæðingur fyrir græna dúddann. William Hurt er Thunderbolt Ross og skilar því ágætlega af sér.

Það er meiri hasar í þessari mynd en þeirri fyrstu og það er lítið um fancy stíl á borð við ramma og skiptan skjá. Mér fannst allt CGI mjög flott og sannfærandi. Einn helsti veikleiki fyrstu myndarinnar var að það vantaði almennilegan óvin. Svipað vandamál og í Iron Man til dæmis. Það er lagað hér með The Abomination og meira segja lagður grunnur að The Leader fyrir næstu mynd fyrir þá sem þekkja til. Það er stefnan hjá Marvel á láta áhorfendur upplifa þessar myndir sem hluta af sama heim og í þessari mynd er t.d. S.H.I.E.L.D. og Tony Stark lætur sjá sig. Mér finnst þetta vera frábær þróun og býður upp á crossovers eins og í blöðunum, svo ekki sé minnst á Avengers!

Þessi mynd er mjög skemmtileg. Hún er góð hasarmynd fyrir þá sem vilja það en er samt trú blöðunum á mörgu leiti. Þetta er önnur útgáfa af Hulk. Maður fær að sjá hann meira í æðiskasti en áður og það er kannski það sem fólk horfir á þessar myndir vill sjá. Það er ekki búið að ákveða framhald en ég mun bíða spenntur þangað til. Vonandi fáum við Leader mynd með bleiku gervimönnunum eða kannski Avengers mynd með Captain America á móti t.d. The Red Skull eða eitthvað slíkt. Annars er verið að gera Iron Man 2. Thor og Spider-Man 4 eru líka í bígerð svo eitthvað sé nefnt. Jæja, gott í bili.

(Ath. Þessi umfjöllun inniheldur minniháttar spoilera. Betra að hafa varann á)Það er ekki skrítið að mainstream hóparnir kjósi The Incredible Hulk fram yfir upprunalegu Hulk-myndina frá 2003; Hún er hraðari, háværri og meira straightforward, sem eru fínir kostir í sjálfu sér en ég myndi jafnframt bæta við lýsinguna "þynnri," en það er líka frekar væg lýsing á því hversu gífurlega mikil þunnildi þessi mynd er. Kallið mig hallærislegan, en ég persónulega fíla Ang Lee-myndina miklu betur og tel hana ennþá í dag vera eina af betri Marvel-myndunum. Ef ekki, þá er hún tvímælalaust með þeim frumlegri og almennt áhugaverðari. Sú mynd er vissulega ekki fyrir alla, en það sem að mér finnst hún hafa fram yfir nýju myndina er að hún tekur sinn tíma í að byggja upp atburðarás í kringum trúverðugar - og þrívíðar - persónur. Einnig finnst mér brellurnar flottari, hasarinn eftirminnilegi og tæknivinnslan (þ.á.m. brenglaði, en samt vandaði, klippingarstíll hennar) koma mun betur út.The Incredible Hulk er vel gerð hasarmynd annars vegar, en nákvæmlega það að hún bjóði ekki upp á margt annað en tæknibrellur og sprengjur þykir mér ekki endilega vera góður hlutur. Persónusköpun er algjörlega lögð til hliðar og nánast engin persóna út alla myndina fær nægilegt svigrúm til þess að anda almennilega. Þær persónur sem þetta bitnar hvað mest á eru einmitt tvær mikilvægustu; Betty Ross (Liv Tyler) og Emil Blonsky (Tim Roth). Ross er algjörlega vanskrifuð persóna og endar uppi sem stereótýpíska kærastan og Blonsky fær svo takmarkaða dýpt að hann kemur út sem dæmigert illmenni og fær hvorki samúð né skilning frá áhorfandanum. Roth stendur sig að vísu vel, en hann fær ekki mikið að gera annað en að vera sífellt reiður. Edward Norton er reyndar góður sem Bruce Banner og vinnur vel úr því sem hann hefur. William Hurt er ágætur þrátt fyrir þunnan karakter, og í raun gerir hann ekki neitt sem Sam Elliot gerði ekki í hinni myndinni. Stærsti mínusinn er þó hiklaust Liv Tyler, en burtséð frá því að vera hreinlega pirrandi í hlutverkinu sínu, þá bara passar hún ekki.Hasarinn í myndinni er þokkalegur þótt brellurnar séu stundum ekkert sérstakar og (eins og ég tók fram hér að ofan) eiginlega verri í þessari 2008 útgáfu heldur en þær voru fyrir fimm árum síðan. Það verður að teljast nokkuð skondið. Leikstjórinn Louis Letterier (Danny the Dog, Transporter 2) fær hrós fyrir góðan hraða þótt að meðhöndlunin á efnisinnihaldinu sé allt önnur. Mér skilst þó að þetta sé ekki alfarið leikstjóranum að kenna, en framleiðendur heimtuðu víst að myndin yrði klippt niður um góðan hálftíma og var mörgum mikilvægum persónuaugnablikum fórnað fyrir hraðari keyrslu. Ekki óalgengt þegar um svona stóra mynd er að ræða, en eftir hvernig fór með Daredevil (sem að tapaði heilum hálftíma af söguþræði) finnst mér hálf furðulegt að Marvel hafi ekkert lært af mistökum sínum.En þrátt fyrir áðurnefnda galla varð ég e.t.v. fyrir mestum vonbrigðum með lokabardagann á milli Hulk og Abomination, sem ég hafði heyrt svo góða hluti um. Þetta var ekki almennilegur slagur! Abomination lamdi Hulk í klessu þar til á síðustu stundu. Frekar veikt að mínu mati. Að vísu var þetta meira fullnægjandi lokabardagi heldur en var í Iron Man.Lokasenan með gestahlutverki Roberts Downey Jr. sem Tony Stark var síðan algjör óþörf. Ég ætla ekki einu sinni að þykjast neita því að það hafi ekki verið frekar nett að sjá Stark stíga inn í sama heim og Hulk (með tilvonandi Avengers mynd í huga), en þetta gerði ekki neitt fyrir myndina sjálfa og fyrir fólk sem að hefur ekki hugmynd um hvað Ultimate Avengers er, þá getur þetta skilið eftir frekar súrt eftirbragð. Betra hefði verið að geyma senuna þar til eftir lokatextann, svipað og Iron Man gerði með Nick Fury cameo-ið. Áhugasamir hefðu vitað af því, en fyrir hina hefði engin hætta verið á ruglingi.Það er oft frekar spes að kommenta á það að sumar myndir mættu vera lengri, en þessi hefði klárlega þurft á því að halda. Ég vona að Marvel gefi einn daginn út lengri útgáfu af þessari mynd með senunum sem að myndu bæta við smá meira kjöti á beinið. En þegar öllu er á botninn hvolft er The Incredible Hulk þokkaleg leið til þess að drepa tímann, en fyrir þá sem hafa áhuga á aðeins óhefðbundnari og e.t.v. dýpra áhorfi myndi ég frekar mæla með Ang Lee-útgáfunni.5/10

Þetta er snilldarmynd alrighty. Í The Incredible Hulk hefur Robert Bruce Banner(Edward Norton) verið Jötunninn ógurlegi öðru hvoru í nokkra mánuði eftir að hafa orðið fyrir gammageislun. Hann er ofsóttur af hernum og hrakinn burt úr felustað sínum. Ross Hershöfðingi(William Hurt) vill fá lífssýni úr Banner til að skapa viðráðanlegri kvikindi. Inn í málið blandast svo Betty dóttir Hershöfðingjans(Liv Tyler) og Emil Blonsky(Tim Roth) sem fær tvöfalda gammageislun og verður að Andstyggðinni(The Abomination). Sem mikill Hulk aðdáandi þá er þessi mynd mjög kærkomin fyrir mig. Það bókstaflega gengur allt upp, sagan, tæknibrellurnar, leikurinn, myndatakan og bara allt. Edward Norton er fullkomið val í hlutverkið, hann skapar óaðfinnanlegan Bruce Banner og kemur hér með sína bestu frammistöðu síðan Fight Club. Tim Roth, William Hurt og Liv Tyler eiga líka hrós skilið og ekki spillir fyrir að Rober Downey Jr. kemur með cameo sem Tony Stark. Ég get með sanni sagt að hasarinn undir lokin er svo ótrúlegur að ég var bara hissa og þó vissi ég að þetta væri ekki mynd í rólegri kantinum. Svona á svo sannarlega að gera Hulk mynd.