Þegar 17. aldar landkönnuðurinn John Smith fer með nokkra menn með sér í könnunarleiðangur upp ána, til að eiga viðskipti við indjána, þá kynnist hann indjánaprinsessunni Pocahontas og þau verða ástfangin. Smith þarf samt að sinna skyldum sínum sem stjórnandi Jamestown virkisins, en á í togstreytu þar sem hann langar að vera með Pocahontas. Indjánarnir átta sig á að Englendingarnir ætla sér ekki að fara, þannig að þeir ráðast á virkið. Nokkrir menn í virkinu ákveða að handsama Pocahontas og halda henni sem gísl, til að koma í veg fyrir árás indjánanna. Smith er skipað að yfirgefa Jamestown. Pocahontas aðlagast lífinu í virkinu og enskum venjum, og verður ástfangin af Rolfe, sem skapar togstreytu þegar hún þarf að velja á milli hans og Smith.
The New World er klassíska sagan um Pocahontas og John Smith. Samt ekki halda að þetta sé leikin Disney mynd, hún er langt frá því. Colin Farrell setur upp bandaríska hreiminn sinn og bregðu…
The New World er klassíska sagan um Pocahontas og John Smith. Samt ekki halda að þetta sé leikin Disney mynd, hún er langt frá því. Colin Farrell setur upp bandaríska hreiminn sinn og bregður sér í stígvél Smith. Myndin er mjög í anda Malick. Maður fær að heyra ljóðrænar hugsanir í voice over eins og í The Thin Red Line. Það þarf þolinmæði til að horfa á myndina, hún er mjög hæg og er stundum bara að dúlla sér úti á engi! Það eru samt hasar atriði þegar samband landnema við Indjánana kólnar og paradís breystist í martröð. Undir lokin tekur myndin stefnur sem ég átti ekki von á. Christan Bale birtist upp úr þurru og er stórt hlutverk síðasta kafla myndarinnar. Mér fannst þessi mynd alveg mögnuð en ég býst ekki við allir verði sammála mér. Sá hana einhver?
New world er nýjasta mynd Terrence Malick. Ég verð nú að viðurkenna að ég er ekki mikill aðdáandi hans. Fílaði Thin Red Line ekkert rosalega, og þessi var engin undantekning. En þó er s…
New world er nýjasta mynd Terrence Malick. Ég verð nú að viðurkenna að ég er ekki mikill aðdáandi hans. Fílaði Thin Red Line ekkert rosalega, og þessi var engin undantekning. En þó er sumt í henni sem er vel gert. Útlitið er mjög fallegt að sjá, ástarsagan er ágæt, kvikmyndatakan er stórkostleg(enda var hún tilnefnd til Óskar). Það sem dregur hana niður er hve hæg hún er. Ok, þetta er ástarsaga, en hulstrið gefur til kynna að þetta sé action mynd. Og fyllti hún ekki þær kröfur fyrir mig. New world er miðlungsmynd. Sumir eiga eftir að fíla þessa mynd, aðrir ekki. Það er mitt álit.
The New World er eins fráhrindandi og kvikmyndir geta orðið í augum almennings. Myndin er ljóðræn, hæg og treystir mikið á umgjörð sína. Hún notfærir sér tónlist og vandaða kvikmynda…
The New World er eins fráhrindandi og kvikmyndir geta orðið í augum almennings. Myndin er ljóðræn, hæg og treystir mikið á umgjörð sína. Hún notfærir sér tónlist og vandaða kvikmyndatöku til að segja sína sögu, í stað þess að styðjast við reglubundna uppbyggingu í handriti. Að segja að þessi mynd sé falleg er of vægt til orða tekið. Þessi mynd er einmitt alveg stórkostleg til útlits og það er eitthvað við það hvernig hún nýtir sér pjúra náttúru í forgrunni sem gerir hana svo heillandi. Terrence Malick hefur oft verið álitinn listamaður í líkingu við málara, sem notar filmuna í staðinn fyrir striga til að tjá ákveðna fegurð. Myndin er nánast öll tekin upp í náttúrulegu umhverfi, rétt eins og með lýsingu að gera, en leikstjórinn ákvað frekar að nota hefðbundna sólarbirtu í stað þess að fikta við aðrar lýsingar. Með þessu móti má sjá hversu einstakur leikstjóri Malick er, en rétt eins og með nánast alla listamenn, er hann heldur betur umdeildur. The New World hefur að sjálfsögðu ekki mikið upp á að bjóða þegar að kemur að innihaldi, en það er heldur ekki stefna hennar. Vandamálið er náttúrlega einhvers staðar handan við alla umgjörðina. Myndin er heillandi jú, en sagan er voðalega þurr. Myndin flæðir vel áfram og styðst við mikla hjálp frá útgeislun leikaranna ásamt áhrifaríkum tilþrifum frá þeim, en með tímanum byrjar þetta að dofna, en það gerist ekki fyrr en að myndin nálgast seinni klukkutímanum. Athygli mín á myndinni náði að haldast stöðug, en nálægt lokin munaði litlu að ég hefði verið dreginn úr henni. Það er takmarkað hversu mikið þessi mynd græðir á því að vera svona löng. Það virkar í sjálfu sér þegar myndin er að segja eitthvað með náttúruumhverfinu, en rétt eins og margt annað, þá geta góðir hlutir reynst ofnotaðir. Ég mæli með þessari mynd fyrir að vera djörf, öðruvísi og grípandi í frásögn sinni. Annars missir hún stig fyrir ryðgaðan lokaþriðjung. Það er allavega augljóst að myndin höfði ekki til allra, og það er ekki erfitt að sjá hvers vegna margir hata hana.7/10
Ef þú villt fara á fallega mynd þar sem mikið er af fallegri myndatöku og lítið talað og nánast ekkert að gerast þá er þetta mynd fyrir þig. Ég verð að segja að ég varð fyrir mikl…
Ef þú villt fara á fallega mynd þar sem mikið er af fallegri myndatöku og lítið talað og nánast ekkert að gerast þá er þetta mynd fyrir þig. Ég verð að segja að ég varð fyrir miklum vonbrigðum með þessa mynd. Ég hélt að það væri smá action í þessu og alavegna nóg af svona ævintýrafíling og jafnvel smá rómantík svo að kellingin væri líka ánægð, en neibb við fórum bæði hálf brosandi út úr bíóinu því að manni leyð eins og maður hafi verið rændur af 7 klukkutímun af mans ævi(en manni fannst þessi mynd aldrei ætla að klárast, hún er reyndar bara c.a 2 tímar).
Fyrir mig var þetta ein lélegasta mynd sem ég hef séð og af því að það er ekki hægt að gefa - stjörnu þá læt ég enga nægja
Þetta er án efa leiðinlegasta kvikmynd sem ég hef séð. Tónlistin í myndinni er alveg út í hróa hött og söguþráðurinn enginn! Enda fór helmingur bíógesta heim í hléi.
Mér var búið að hlakka til að sjá þessa mynd síðan ég heyrði af henni enda stór saga sem hægt er að gera mikið með þannig að ég fór í bíó full af tilhlökkun.
Myndin byrjar m…
Mér var búið að hlakka til að sjá þessa mynd síðan ég heyrði af henni enda stór saga sem hægt er að gera mikið með þannig að ég fór í bíó full af tilhlökkun.
Myndin byrjar mjög rólega eins og sumar myndir og þegar það kom hlé bjóst ég við einhverju eftir hlé en það gerðist aldrei neitt!!
Sparið ykkur peninginn og takið hana þá frekar á spólu eða jafnvel bíðið eftir henni í sjónvarpinu því þessi mynd er drepleiðinleg. Það eina góða í henni er myndatakan sem er mjög flott en söguþráðurinn er eins langdreginn og hægt getur orðið.
TERNECE MALIK er frekar umdeildur leikstjori og fer otroðnar sloðir i kvikmyndum sinum,alls ekki einhver typiskur holywood gaur her a ferðinni.
ef þið þekkið ekki verk hans þa skal kannski …
TERNECE MALIK er frekar umdeildur leikstjori og fer otroðnar sloðir i kvikmyndum sinum,alls ekki einhver typiskur holywood gaur her a ferðinni.
ef þið þekkið ekki verk hans þa skal kannski sma varast,allar myndir hans einkennast af mjög rolegum senum i gegnum myndina og er NEW WORLD engin undantekning.
Að minu mati vissi eg hvað eg var að fara að sja og for ut ur bioinu alveg sattur,annað en 2 gaurar sem löbbuðu ut eftir klukkutima.
þetta er alls engin spennumynd heldur frekar astardrama milli john smith og stelpunnar.
leikarar standa sig allir vel,og colin kallinn alltaf traustur,verður gaman að sja hann i MIAMI VICE.
myndin einkennist lika af miklu myndmali frekar en að lata leikara tala,það gæti farið i taugar a folki
eg mæli ekki með þessari mynd fyrir neinn ,eg filaði hana personulega,og finnst alltaf þetta timabil a arinu besta þegar þungar vandaðar myndir eru i boði,einnig mæli eg með CONSTANT GARDENER,það er snilldarmynd en engin holywood hasar þar a ferð.
The New World er sannkallað sjónrænt meistaraverk og ein af mjög fáum myndum frá 2005 sem ég gæti gefið fullt hús. Rómantísk hugsjón Terrence Malick á Ameríku, í þetta skipti notar ha…
The New World er sannkallað sjónrænt meistaraverk og ein af mjög fáum myndum frá 2005 sem ég gæti gefið fullt hús. Rómantísk hugsjón Terrence Malick á Ameríku, í þetta skipti notar hann sögu John Smith og Pocahontas sem grunnin, Smith sem er á leið með breskum innflytjendum til Ameríku árið 1607 eða núverandi Virginíu fylkis frekar sagt hittir Pocahontas, unga frumbúa og þau tvö eins og allir vita, verða ástfangin. Smith sem er mjög mikill andspyrnumaður og óhlýðinn lendir sífellt í vandræðum með yfirmenn sína og Pocahontas er elskuleg og leikmikil stelpa og þeirra ástarsamband er ekki ásættanlegt af hvorri hlið. Eins og Malick hefur gert áður þá einbeitir hann sér sjaldan að einni manneskju heldur nánast öllum hópnum, og grafið er djúpt í náttúrulíf Ameríku og vonir innflytjendanna í nýja heiminum. The New World er fullkomin kvikmynda-mynd, drifin af tónlist (notuð var mikið af Wagner tónlist) og kvikmyndatöku frekar en orðum og handriti, það kæmi mér varla á óvart ef Malick hefði hent handritinu í burtu meðan tökum stóð, hann hefur gert það áður, t.d við tökum á Days of Heaven. Myndin fer þó nokkuð vel eftir sögulegum heimildum, ég efa að flestir vita það að saga Pocahontas og John Smith sé sannsöguleg og New World er langbesta dæmi sem fylgir þeirri sögu annað en Disney teiknimyndirnar gerðar fyrir krakkana. Því miður þá dafnar krafturinn í sögunni töluvert við seinni hluta myndarinnar, ég hefði viljað gefa henni fullt hús en við lokin á myndinni þá var allur áhuginn að hverfa. Flestum mun líklega hundleiðast í bíó á þessari mynd, hvort það sé ekki nóg af hasar eða spennandi tónlist þá er New World bara alls ekki nógu grípandi fyrir flesta áhorfendur. Ég ráðlegg öllum til þess að forðast að blasta New World í einhverju partíi, það mun örugglega skemma það íllilega. En ef þú fílar myndir Malicks þá skaltu sjá New World, eitt besta dæmi um stórkostlega kvikmyndagerð og þá aðallega guðlega kvikmyndatöku sem átti réttilega að grípa óskarinn þetta ár fyrir kvikmyndatöku. The New World, að mínu mati er ein af betri myndum frá árinu 2005, mjög óeðlileg og frábrugðin eins og flestar Malick myndir en hefur mjög heillandi ástarsögu og ímynd aldarskeiðinu sem sagan gerist.
Bönnuð innan 12 ára
Wuchak ★ 5.0/10
