Fantastic Four (2005)

Þetta var ágætis tilraun en því miður þá heilaði hún mig ekki þessi mynd. Æi hún var nú ekki léleg en samt var maður svona jæja(ef þið skiljið). En manni leið eins og að þessi mynd væri lítill krakki sem hafði gert eithvað af sér, maður veit að hann er óviti og svaka sætur en langar að skamma hann en maður getur það eiginlega ekki.

Þessi mynd var eiginlega of mikið að reyna að vera hassarmynd með grín fíling.Mér langaði eiginlega meira á svona Barman begins mynd í staðin fyrir einhverja svona aulabrandara mynd.

Leikararnir voru ágætir en ekki meira en það.Ef þú ert mikið fyrir svona ofurhetjur þá gætiru vel skemmt þér yfir þessari mynd en ef þú ert að leita af einhveri hassarmynd/ævintýramynd þá myndi ég bíða í 30 ár og horfa á þessa á Rúv.

Ég verð nú að segja að ég er hissa á því að þetta góður leikari fari í Paddingtongallan og láti sjá sig í þessarri mynd. Ég er mjög hrifinn af honum í Shield sem spilltu löggunni og hélt nú kannski að þarna væri flott ræma á ferð en vonbrigðin voru mikil.

Þarna er gert of mikið úr aulahúmor og rifrildi tveggja karaktera sem verður þreytandi í lokin. Sagan er klysja og fyrirsjáanleg í alla staði. Leikurinn gegnsær og tæknibrellurnar merkilega illa gerðar sumarhverjar, sértstaklega gúmmíkarlinn, en mér ofbauð hvernig tölvugrafíkinni var misboðið þarna. Það hlýtur að vera hægt að gera eitthvað betra við þetta efni en þetta. Ég vill ekki vera neikvæður, en þetta verður bara að koma fram. Ekkert nýtt á ferðinni.

Jessica Alba er ein fallegasta mannvera sem uppi hefur verið. Ef að Michaelangelo hefði ekki tekið upp á þeim ósóma að vera uppi á sextándu öld hefði hann hent styttunni af Davíð ofan í höfn og gert skúlptúr af henni í staðinn, með nektina á sinni stað. Því að það er satt að segja það helsta sem ég sé við þessa mynd.



Þetta er ein af þeim kvikmyndum sem að krefst þess að slökkt sé á heilanum meðan horft er á - hér er nákvæmlega ekki neitt sem krefst þess að þú sért vakandi við áhorf. Það sem hér er um að ræða er gullfallegt fólk í furðulegum búningum og heilmikið af flottum tæknibrellum, svo að ef að þú horfir með nefið upp í loftið á tékkneskt barnaefni frá fyrri heimsstyrjöldinni þér til skemmtunar mun þér líklega finnast þessi kvikmynd plága á heilastarfsemina. Ég persónulega hef stórgaman af henni, enda er þetta skemmtun í fljótandi formi - súptu á og hafðu gaman af ef bragðkirtlarnir eru ekki of fínu vanir.

Ég verð að segja að ég var ekki nógu sáttur við þessa mynd. Þó get ég ekki sagt að ég hafi orðið fyrir mjög miklum vonbrigðum því eftir að hafa séð trailerinn þó nokkuð oft undanfarna mánuði var mér hætt að lítast á blikuna. Myndin bara lofaði ekki góðu. Svo sá ég myndina og var hún hvorki verri né betri en ég bjóst við. Auk þess er leikaraúrvalið ekki upp á marga fiska og enginn stendur sig nógu vel. Julian McMahon er að vísu ekki svo vonlaus(þó að það séu margir leikarar sem hefðu getað túlkað Dr. Doom svoleiðis miklu betur)á meðan öll hin....æææ ég veit ekki. Myndin kemst aldrei á almennilegt flug og mörg atriði eru beinlínis langdregin. Húmorinn er ófyndinn og ófrumlegur og í heild er þetta bara klúður. Þó má glitta í örlitla skemmtun öðru hvoru en ég á verulega bágt með að gefa hærri einkunn en eina og hálfa stjörnu. Eitthvað fór úrskeiðis.

Ég varð fyrir dálitlum vonbrygðum þegar ég fór á þessa mynd mér fannst alltof lítið gerast í myndinni enn mér fannst hún bjargast í lokinn enn þá byrjar allur hasarinn og spennann, áður enn að því kemur er myndinn hundleiðinleg. Svona ofurhetju myndir eru núna orðnar dálíð þreyttar enn sammt er það að koma mér á óvart hvað hún er að fá mikla aðskókn í bíó, ég hélt að hún myndi ekki hljóta mikilla vinsælda á Íslandi enn annað er núna uppá teningnum. Jessica Alba er frábær í myndinni og passar mjög vel inní þetta hlutverk og aðrir leikarar sem koma við sögu í myndinni er líka mjög góðir. Það er líka margt líkt með þessari mynd og The Incredebles enn í myndunum báðum eru nákvæmlega sögu ofurhetju hæfilekar;). Enn þessi mynd er ekki góð og ég mæli ekki með henni.

Fantastic Four ég bjóst svakalega mikið að þessi mynd verði nokkuð góð enda eru allar Marvel myndirnar góðar. Ég fór í bíó með vinum mínum eftir að mér var gefið miða á Fantastic Four.Víð Skemmtum okkur mjög vel og það verður að segja að mér fannst Chris Evans sem Jhonny Storm/The Human Torch og líka Michael Chiklis sem Ben Grimm/The Thing lang flottastir. Jessica Alba(Sin City sem var Susie Storm (man ekki alveg hvað hún hét þegar þau voru venjuleg) svo var það Ioan Gruffudd sem var Mr.Fantastic. Mér fannst þessi mynd vera rosa flott með góðan húmor og tæknibrellur. En það var einn galli við myndina þau börðust aldrei neitt við einhverja gaura nema við Dr.Doom. Ég mæli rosa mikið með þessari mynd en ég held að það komi frammhald eða önnur mynd með Fantastic Four. Ég gef henni fjórar stjörnur eða fullt hús.

Fantastic Four eru sögur sem að ég fíla mjög vel. Þegar það var ákveðið að gera mynd um þessar hetjur, þá fór mér að hlakka mikið til. En þessi mynd er mikil vonbrigði fyrir mig. Tim Story er leikstjórinn sem að gerði hina ömurlegu endurgerð á Taxi. Að þeim skuli hafa dottið það í hug að láta manninn fá verkefni af þessari stærðargráðu var mistök. Meirihlutinn við þessa mynd er lélegur: Lélegar brellur, leikur hjá leikurum hræðilegur. Fyrir utan Michael Chicklis sem Ben Grimm/The Thing. Hann fær stóran plús hjá mér fyrir leikinn sinn. Actionið í myndinni byrjar ágætlega í byrjunninni en í endanum í bardaganum á móti Dr. Doom, fannst mér hann enda of fljótt. Svo eru one-linerarnir sem að Chris Evans fær mjög leiðinlegir. Svo er versti galli myndarinnar að Tim Story lætur myndina vera meira fyrir krakkana en fullorðna fólkið, og það er stór mínus. Það er allavega augljóst ef að það verður gert framhald af þessari mynd, þá væri betra að fá fagfólk í þá mynd og vona að hún verði betri en þessi. Hálfu stjörnuna fær Michael Chicklis fyrir túlkun sína á The Thing.

Eins og King Arthur seinasta sumar þá hafði ég alls engar væntingar fyrir þessari mynd og ég var nokkuð viss um að Fantastic 4 myndi vera slöpp mynd, svo tvær og hálfar stjörnur merkir það að ég varð alls ekki fyrir vonbrigðum sérstaklega þar sem ég hafði engar væntingar. Ég hef aldrei lesið neina Fantastic 4 myndasögu og ég var svo fáfróður um efnið að ég vissi einungis hver Thing var sem var leikinn af honum Michael Chiklis, það var hann sem stóð uppúr í leikarahópnum meðal Chris Evans sem Human Torch. Þeir tveir voru skemmtilegastir í hópnum og voru mikið notaðir sem kætikveikjur, sem ávallt virkaði. Ioan Gruffudd, sem var í King Arthur leikur Mr. Fantastic og Jessica Alba Invisible Woman og bæði voru ásættanleg sem par en öll saman þá virkaðu fermenningarnir best. Það var eitthvað við hópinn saman sem flækti aðstæðurnar, sérstaklega með Thing og Human Torch í sama herbergi. Tim Story leikstjórinn sem gerði Taxi endurgerðina sem ég get ekki ímyndað mér hve léleg var kemur mér á óvart og kemst upp með ofurhetjumynd byggða á elsta ofurhetjuhópnum í Marvel samsteypunni. Ég býst við því að ég gefi honum þá séns með næstu mynd sem hann gerir, hver sem sú mynd gæti verið. Það sem angraði mig með myndina voru popmenninga áhrifin, leiðinleg poptónlist sem kom við og við en annars þá hélt myndin þessu striki, fór aldrei yfir það né undir, myndin var mjög mikið miðjumoð mest allan tímann. Ég segi bara gott mál, mér finnst Fantastic 4 vera 95 mínútna áhorfið þess virði.

Jæja, ég var mikið búinn að bíða eftir þessari mynd og ég get ekki sagt að ég hafi orðið fyrir vonbrigðum. Samt sem áður gerði þessi mynd ekki mikið meira en að standast lágmarkskröfur og ég er alveg viss um að framhaldsmyndin sem við megum örugglega búast við, verði betri.

Einhvern veginn vantaði smá neista til að gera þessa mynd virkilega góða. Michael Chiklis er einn af mínum uppáhaldsleikurum fyrir hlutverk sitt í The Shield og hann bar nánast af í myndinni. Chris Evans er einnig ágætur sem The Human Torch en svona full mikið af one-linerum hjá honum.

Húmorinn var kannski fullmikill á köflum og manni finnst stundum eins og þessi mynd sé meira hugsuð fyrir krakka. Ég held að betri (reyndari) leikstjóri hefði getað gert miklu betur og spurnig er hvort skipt verði um leikstjóra ef önnur mynd verður gerð, alla vega vona ég það!

Þegar maður er orðinn svona vanur að sjá 2-3 ofurhetjukvikmyndir á hverju ári fer áhorfandinn sífellt að gera hærri kröfur og það er alveg lágmark að maður ætlist til að sjá eitthvað í ferskari kantinum. Fantastic Four er með því elsta sem Marvel hefur gefið út, svo maður hefði auðveldlega gert ráð fyrir meiri metnaði, en þessi mynd er einhver sú blandaðasta í sínum geira sem ég get munað eftir og með öllum líkindum sú staðlaðasta. Þetta er alveg skemmtileg mynd, að ákveðnu leyti allavega, en það vantar heilmikið upp á og á endanum getur maður ekki annað hugsað en að þetta hefði getað orðið svo miklu, miklu betra.Það er erfitt að greina nákvæmlega hvar myndin feilar. Gallarnir eru eiginlega dreifðir í litlum skömmtum út alla heildina. En persónulega er ég fullkomlega sannfærður um að leikstjóri myndarinnar (Tim Story - maðurinn sem færði okkur einhverja tilgangslausustu mynd í heimi: Taxi endurgerðina) hafi eitthvað ekki alveg vitað hvað hann er að gera. Jú jú, hann hittir stundum á réttu nóturnar en stærsta vandamálið er að það er enginn stíll sem einkennir myndina og yfir heildina er hún bara ekki nógu fullnægjandi til að vera aðgangseyrisins virðiSvo eru minniháttar hlutir, eins og t.d. brellurnar. Yfir höfuð eru þær ásættanlegar en á köflum eru þær bara skrípalegar. Mörg atriðin með Mr. Fantastic eru t.d. ekkert magnaðri til útlits heldur en eitthvað úr The Incredibles, sem myndi teljast hrós ef þetta væri teiknimynd, sem myndin er augljóslega ekki. Nokkrar frammistöðurnar eru einnig heldur slappar, en kannski leikaravalið hafi eitthvað með það að gera. Jessica Alba er að mínu mati einhver flottasta leikkonan í bransanum í dag (og stóð hún sig með prýði í Sin City), en hérna er hún allt annað en sannfærandi, og það er vægast sagt langsótt að kaupa það að hún sé vísindamaður. Senurnar með henni og Ioan Gruffudd eru stundum pínlegar. Julian McMahon er heldur ekki alveg að gera sig sem Dr. Doom, einhver þekktasti skúrkur myndasöguveraldar. Hann nær hégómanum en er hálf daufur allan tímann og klúðrar því algjörlega að láta mann finna fyrir einhverjum ótta þegar hann er á skjánum. Annars vegar eru hinir þrír sem eftir standa heldur traustir. Michael Chiklis (úr The Shield) er albestur sem Ben Grimm/The Thing. Undir góðri förðun nær hann að sökkva sig inn í þessa fígúru og bókstaflega verða að henni, en þetta er jafnframt karakter sem fær fulla athygli manns og samúð. Ioan Gruffudd er ekki slæmur heldur, þótt ekki mjög eftirminnilegur. Chris Evans gerir mjög skemmtilega hluti með Johnny Storm/The Human Torch. Hann nær að vera fyndinn en líka neglir hann barnaskap þessarar persónu án þess að vera eitthvað pirrandi. Evans snýr líka hressilega úr öllum vondu frösunum sem eru fleygðir við og við, og ég fékk eiginlega þá tilfinningu að leikarinn hafi verið fullkomlega meðvitaður um hversu stirt handritið var.Það er lítið við þessa mynd sem stendur undir heitinu 'fantastic,' en það er ýmislegt sem er býsna gott. Myndin hefur mörg góð augnablik. Dramatísku senurnar svokölluðu hoppa einnig á milli þess að vera góðar upp það að vera næstum því óbærilegar. Hasarinn er líka góður í því litla magni sem hann er, en hann er langt frá því að standa undir nafni. Hann er líka kjánalega stuttur, eins og leikstjórinn hafi bara ekki nennt að eyða öllum tímanum í hann. Akkúrat þegar allt fjörið byrjar, hetjurnar komnar í gírinn og spennuvíman komin í hámark þá bara... endar myndin. Það er sjálfsagt afraksturinn eftir að allur fyrsti klukkutími myndarinnar hafi verið notaður til þess að byggja upp sambönd allra og eiginleika, en það er svosem engin afsökun. Ég er ekki á móti því að sagan einblíni á persónusköpun fram yfir hasar, en hún kemst ekki nógu vel til skila til að réttlæta hasarmagnið.Þegar ég lít á það sem eftir stendur verður því ekki neitað að Fantastic Four hefði getað orðið helmingi betri kvikmynd, og þá með aðeins vandaðra og innihaldsríkara handriti, meira fjármagni og töluvert reyndari leikstjóra. Kannski framhaldið verði betra, hver veit?5/10