Troy (2004)

Ekki beint besta mynd sem maður hefur séð, og hvað þá fyrir peningin sem fór í hana. Þó Hollywood sé frægt fyrir að spreða peningnum í rusl þá hefði nú alveg mátt reyna að nýta hann aðeins betur hér. Myndin er óneytanlega glæsileg, útlitslega séð og er sviðsmyndin frábær. Brad Pitt er fínn í sínu hlutverki en ekki finnst mér mikið varið í þá persónu. Orlando Bloom finnst mér standa uppúr, þó persóna hans sé ekki skárri og fer mikið í taugarnar á mér. En einhvernveigin er hann einmitt maðurinn í þetta. Wolfgang Petersen er ekki að koma neinu mestaraverki hér á framfæri þó hann sé ekki að valda mér neinum vonbrygðum, þannig séð. Myndatökurnar eru oft frekar flottar og tónlistin er einnig mjög góð. Ég er ekki sáttur með endirinn, en eins og oft áður vill hann klikka í svona stórmyndum. Mér fannst eins og þeir væru að falla á tíma við gerð þessara myndar og drifið hann bara af. Flott mynd og góð skemmtun, alls ekkert meistaraverk.

Troy er að mínu mati mjög góð mynd, ég ætlaði altaf að fara á hana í bíó enn gleymdi því altaf. Aðalhlutverkin eru : Brad Pitt(Fight Club), Orlando Bloom(Lord of the Rings 1,2 og 3) og Eric Bana(Hulk). Brad Pitt leikur persónua Achilles, Orlando Bloom leikur persónuna París og Eric Bana leikur persónuna Hector. Þessi mynd er ekkert langdregin þótt hún sé í rúmlega 160 mínútur. Ég ætla núna að segja frá söguþræði þannig að allir sem hafa ekki séð þessa og ætla að sjá hana HÆTTIÐI AÐ LESA NÚNA. Í myndini segir frá Tróju stríðinu, myndin er samt ekki alveg eins Trójustríðið eins að var í alvöru. Í byrjun myndarinnar fer París með Helenu í skipi til Tróju með bróðir sínum Hektor. Konungur Spörtu Agamemnon sér að hún er horfinn og fiskiveiðinmenn sögðust hafa séð hana fara um borð með skipi til Tróju, Agamemmnon verður brjálaður og verður siglir með 1000 skip til Tróju sem bera 50000 hermenn samtals. Achilles sem er á fyrsta skipinu með 50 hermönnum réðst einn á ströndina með þessa 50 hermenn og hann og þessir 50 hermenn ná helmingnum af ströndini áður enn að hin skipin koma. Eftir að allur herinn var búinn að ná ströndini þá setja þeir upp tjöld þar. Daginn eftir fara spörtu menn með allan her sinn að sléttunni fyrir framan Tróju og allur Trójuher fyrir framan Tróju. Trójumenn og Spörtumenn gerðu samning, París og einn af sterkustu mönnum Spörtuhers fara í einvígi og ef að París vinnur einvígið þá fara Spörtumenn og ef að einn að sterkustu mönnum Spörtuhers vinnur þá verður stríð. Eftir tveggja mínútna einvígi þá hættir París og fer til bróður síns Hektor og Hektor drepur hinn sem var í einvíginu. Þá verður Agamemnon reiður og lætur allan Spörtuher gera áras á her Tróju. Svo þegar 10.000 hermenn Spörtu er dánir þá flýja þeir aftur að ströndini, það var ekki sniðugt gera árás fyrir neðan veggin sem þeir gátu ekki brotið niður. Þegar Spörtumenn eru við ströndina 10.000 hermönnum færri þá ákveður Achilles að fara aftur til Spörtu. Svo um nóttina gera Trójumenn árás á ströndina og Achilles hætti við að fara og kom til þess að berjast. Eftir smá bardaga þá fara Achilles og Hektor í einvígi og Hektor náði að drepa Achilles á endanum. Þegar hann Hektor tók hjálminn af honum þá sá hann að þetta var ekki Achilles, þetta var frændi hans sem var líkur honum. Þegar Achilles frétti af þessu þá varð hann Brjálaður og skoraði á Hektor í einvígi fyrir framan Tróju, eftir langt einvígi þá Achilles að drepa Hektor og hann tók að ströndinni. Síðan gera Trójumenn og Spörtumenn samning, það mátti enginn gera árás á neinn í tólf daga. Á fyrsta vopnahlés deginum þá fær Odysseifur hjá Spörtumönnum hugmynd, hún var svona að færa öll skipinn inná flóa sem var rétt hjá og skilja eftir risastórann hest. Þá halda allir að þeir séu farnir og hesturinn sé tákn frá guðunum og þeir taka hestinn inní borgina og um nóttina fara allir hermenninnir úr hestinum og opna hliðið þannig að allur herinn kemst inní borgina og rústar henni. Þessi aðferð tókst og allir Spörtumenn eru inní Tróju að brenna hana og á meðan allir eru að brenna borgina þá er Achilles að reyna að finna Brísis sem var kona sem hann hitti og varð ástfanginn af. Hann Achilles finnur hana og þá sér París hann og skýtur hann í hælinn og hann Achilles deyr. Síðan fer hann með Brísis einhverja leynileið útúr borgini og þau sleppa. Núna er ég búinn að skrifa söguþráðinn úr Troy og ég gef myndinni fjórar stjörnur fyrir að vera aldrei langdreginn þótt hún sé löng.

Troy hún er snilld. Ég mæli vel með henni. Hún er spennandi og rómatísk vel gerð og hún er sannsöguleg. Leikstjórar gerðu þetta vel og ættu gott hrós fyrir það. En leikararnir eru bestir: Brad Pitt, Orlando Bloom og Eric Bana eru sérstaklega góðir!!! Þeir sem ekki hafa séð hana ættu að drífa sig að sjá hana. Ég held að ég hætti núna. En hún er núna mín uppáhaldsmynd. GO TROY!!!

Brad Piitt er ekki í sínu besta og Wolfgang Petersen og co. ná tónlistinni og Trjóustríðinu á sitt stig, það sem heldur þessari mynd uppi eru aukaleikararnir fyrir utan Rose Byrne og Garrett Hedlund. Orlando Bllom er ekki í sínu leikaraformi. Besti aðalleikarinn er þó Eric Bana en hann er rosalegur bardagakappi.

Magnþrungin saga Tróju hefur lengi verið vinsælt umfjöllunarefni, Ílýonskviður Hómers er endalaus uppspretta vangaveltna og pælinga. Saga Tróju hefur nú verið færð í glæsilegan kvikmyndabúning af leikstjóranum Wolfgang Petersen sem á að baki meistaraverk á borð við Das Boot, In the Line of Fire og The Perfect Storm. Segir frá valdaátökum milli Grikkja og Trójumanna sem skapast er Paris, yngri sonur konungins af Tróju, hefur ástarsamband við Helenu hina fögru. Leiðir sambandið til þess að Grikkir vígbúast og ætla sér að taka yfir Tróju með góðu eða illu, en það er eini staðurinn sem þeir ráða ekki yfir í Eyjahafinu. Í fremstu víglínu Grikkja stendur hinn dularfulli Akkiles sem telst án vafa einn mesti bardagakappi fyrr og síðar. En það er ekkert sjálfgefið í átökum, eins og sannast hér. Gríðarlega sterk og vönduð mynd sem skartar glæsilegum bardagaatriðum sem ættu að heilla alla kvikmyndaunnendur. Leikurinn er góður: Brad Pitt er flottur sem hinn einbeitti Akkiles, Orlando Bloom er glæsilegur sem Paris, Eric Bana mjög traustur í hlutverki Hector og Diane Kruger á sterka innkomu sem Helena hin fagra, ekki má svo gleyma Brian Cox sem er magnaður í hlutverki Agamemnon konungs. Flest fer vel til að skapa hina ágætustu kvikmynd: leikur, tónlist, tæknibrellur, klipping og handritið renna vel saman. Galli myndarinnar er lengdin, myndin er alltof löng og verður óttaleg meðalmennska því miður vegna þess og fleiri þátta. Helsti aðall myndarinnar er þó traust leikstjórn meistarans Petersen, sem enn og aftur sannar hversu snjall leikstjóri hann er. Undir hans stjórn verður Troy mikilfengleg en því miður ekki sú snilld sem að var stefnt og hefði getað orðið ef allt hefði fallið í rétt form. Samt sem áður er myndin hin ágætasta skemmtun og flestir kvikmyndaunnendur ættu að hafa gaman að henni.

Myndin er eins og stórar umbúðir..,utan um ekki neitt. Ljósu punktarnir eru hugsanlega sviðmyndir og búningar (umbúðir) en flest annað, hlutir eins og saga, handrit & persónusköpun (innihald!) virðast eiginlega bara hafa gleymst í allri vinnunni sem fór í umbúðirnar - og þar er Pitt folinn ekki undanskilinn; hefði kannski mátt eyða eitthvað af þessum frægu 6 mánuðum, sem fóru í kroppaþjálfun, í að finna einhvern karakter inn í kroppinn!

Talandi um leikara, þar standa eiginlega bara tveir fyrir einhverju sem getur með herkjum kallast persónusköpun, Bana og O'Toole (sem stelur léttilega hverjum ramma sem hann sést í - hvers vegna datt engum hann í hug í nýjan Dumbledore!?). Aðrir ráfa þarna um eins og vegalausar rollur og geta ekki einu sinni komið sér saman um hvernig hreim menn eiga að nota (pirraði mig alveg hrikalega að heyra bræður nota sinn hvorn hreiminn..og Pitt folinn, í hvaða mynd var hann eiginlega að leika, með sinn ýkt-ameríska alveg út úr korti!).

Ekki bætti svo að það litla sem gat heitið saga, var allt svo herfilega afbakað frá fyrirmyndinni, að aðra eins eyðileggingu og sögufölsun hef ég ekki séð síðan Mel Gibson nauðgaði bretum í Patriot! Gott & vel, ég skal svo sem skilja að menn lögðu ekki í að hafa Akkiles homma (hann er frændi minn, þvílíkur brandari!) en að láta eins og guðirnir hefðu ekkert með söguna að gera, er barasta helgispjöll, og hananú!

Sýnir bara enn & aftur: Ameríkanar ættu ekki að fá að gera epískar kvikmyndir, hvað þá eftir fornum sögum!!

Ég veit varla hvað á að segja, hvar á að byrja. Þessi mynd er snilld, alger snilld. Kvikmyndaframleiðendur hljóta að vera farnir að búa til miklu fleiri myndir undanfarið sem mér líkar virkilega vel við, því alltof margar myndir eru farnar að fá hæstu dóma hjá mér. Engan veginn get ég þó sagt að þær eigi það ekki allar skilið, því eftirá að hugsa finnst mér þær ennþá allar snilldarmyndir. Troy er þar sko enginn eftirbátur, alls ekki. Það er meira að segja orðið langt síðan einhver mynd hefur haft svo mikil áhrif á mig. Staðreyndin er sú að það er að verða mánuður síðan ég sá myndina og enn er ég að hugsa til hennar. Það er verst að maður skuli ekki vera staddur í Reykjavík, því ég væri örugglega búinn að fara Troy aftur ef svo væri. Persónulega finnst mér Troy meira að segja slá Gladiator út, og þá er nú mikið sagt á minn mælikvarða. Fyrir myndina var ég ekki viss um að Pitt passaði í hlutverk grískrar hetju. En vá hvað ég hafði rangt fyrir mér. Hann var stóra snilldin við þessa mynd! Fyrir mér sannar þessi mynd hversu mikill snilldarleikari Brad Pitt er, og ætti að mínu mati tvímælalaust skilið óskarinn fyrir þessa mynd. Eric Bana var líka mjög góður, og sama má segja um flesta aðra í þessari mynd. Ef það var einhver sem stakk í augu þá var það Legolas, að mínu mati svona á mörkunum - en samt alltílagi. Sagan var að mínu mati mjög góð, þó þeir sem þekkja upprunalegu söguna betur séu kannski ekki á sama máli. Búningar og veröldin sem var búin til í kringum þetta var líka frábært, en ég gæti líka haldið áfram og áfram og sagt að hitt og þetta hafi verið frábært - því ég efast um ég geti munað eftir einhverju slæmu við þessa mynd. Sumir kannski hræðast þessa mynd vegna lengdarinnar á henni, 160+ mín. Persónulega fannst mér hún alveg geta verið lengri, því hún var bara alls ekkert lengi að líða. Ég get t.d. nefnt margar 90mín myndir sem eru lengur að líða en Troy. Ég held ég þurfi varla að taka það fram að ég mæli svo sannarlega með þessari mynd. Troy fer bókað mál í DVD safnið!

Svakalega stórmynd. Þetta verður erfitt fyrir sumarsmellina að toppa og er ég nánast viss um að myndin eigi eftir að standa upp úr á öllu bíóárinu. Myndin er tær snilld í alla staði og meira að segja Eric Bana stendur sig þokkalega. Ekki er að spyrja að því hvernig Brad Pitt stendur sig í sínu hlutverki, því af gömlum að vana skilar hann sínu meistaralega frá sér. Hér túlkar hann mikilmennsku brjálæðinginn Akkilies betur heldur en nokkur annar hefði getað gert, hann nær að gera eina af mestu stríðsgoðsögnum jarðarinnar að mannlegum einstaklingi sem þó tapar ekki trúverðugleika sínum sem Rambó grikkja, ekki misskilja mig, Rambó kemst sko ekki í hálfkast við Akkilies. Það eru mikið fleirri þekkt andlit sem koma að myndinni og má þar helst nefna: Orlando Bloom, Brian Cox, Diane Kruger og Sean Bean en þau standa sig öll með prýði í nokkuð stórum hlutverkum. Í þessari stórmynd er einhvern veginn bara allt sem gengur upp, góður leikur, frábærar tæknibrellur, flott tónlist og frábær leikstjórn. Það er einfaldlega ekkert sem mælir gegn því að hún fái fullt hús stjarna og að ég sjái hana aftur og aftur.

Troy er fín mynd sem hefði geta orðið stórfenglegt meistaraverk hefði handritið verið sterkara. Myndin fjallar um eitt stærsta stríð sem sögunar eða stríðið milli Grikkja og Trójumanna. Sanarlega krefjandi verkefni að gera en því miður heppnaðist það ekki sem skildi. Það er best að byrja á því að fjalla um handritið sem er Achillesarhæll myndarinar. Ég hef ekki lesið Ilionskviðu (bara lesið myndasögu byggða á henni) en ég veit að það er ýmirslegt í þeirri bók sem kemur ekki fram í myndini eða var breitt. Trójustríðið stóð t.d. yfir í 10 ár en ekki tvær vikur eins og það er í myndini. Svo koma guðirnir mikið við sögu í Ilionskviðu en það er varla minnst á þá í myndini. Svo dóu margir of seint eða of snemma. En annars slepur handritið. Þýski leikstjórin Wolfgang Petersen leikstýrir myndini og tekst honum ágætlega upp. Leikurinn í myndini er yfir höfuð mjög góður þó að sumir eigi slakan leik. Brian Cox er frábær sem hinn valdasjúki Agamemnon og Brendan Gleeson er góður sem bróðir hans sem vill endurheimta eiginkonu sína Helenu úr höndum Trójumanna. Orlando Bloom og Diane Kruger eru fín sem elskendurnir Paris og Helena þó að þau geri ekki mikið annað en að líta vel út. Bloom á þó sínar bestu stundir í lokinn þegar hann mundar bogan líkt og hann gerði svo vel í Lord of the Rings. Sean Bean á svo frábæra takta sem Odyseifur en það var eimitt hann sem fann upp á því að smíða tréhestin fræga. Svo er komið að einum af allra bestu leikurum myndarinar en það er Eric Bana í hlutverki Trójuprinsins Hectors. Hann á stórleik í myndini og finnur maður til með persónu hans allan tíman og verðskuldar Eric Bana svo sannarlega óskarsverðlauna tilnefningu fyrir leik sinn í myndini. Svo er komið að senuþjófi myndarina en það er enginn annar en gamlabrýnið Peter O'Toole sem leikur hinn aldraða konung Tróju Priam. Hann vinur algjöran leiksigur í myndini og er hann með eina af bestu leik framistöðum ársins og á hann sannarlega skilið að verða tilnefndur til óskarsverðlaunana ef ekki bara að hljóta þá því að röðin er kominn að honum. En í öllum góðum leik hópum er alltaf einhver Achillesarhæll og í þetta skiptið er það Brad Pitt í hlutverki sjálfs Achillesar. Achilles var maður sem gerði allt til að koma nafni sínu á spjöld sögunar og honum tókst það en hann hlýtur að snúasér við í gröf sinni ef hann fréttir af leik Brad Pitt. Pitt gerir Achilles að algjörum skíthæl og mann er algjörlega sama um allt sem hann gerir. Pitt passar alls ekki í hlutverkið og hefði verið hægt að fá miklu betri leikara í hans stað. Tæknilega hlið myndarinar er mjög flott og á myndin örugglega eftir að hreppa einhverja óskara fyrir hana (líklega fyrir búninga). Troy er fín sumarmynd og er hægt að hafa mjög gaman af henni ef horft er framjá einu og einu smávægilegum atriðum. Takk fyrir.

Ömurleg mynd í alla staði. Get ekki mælt með henni fyrir nokkurn mann. Þessi mynd á ekkert sameiginlegt með Ilionskviðu annað en nöfn fárra manna og staða.


Leikararnir standa sig flestir illa, Peter O'Tool skástur, enda greinilega illa valið í hvert hlutverk. Wolfgang Petersen og þeir sem gerðu þessa mynd eiga ekki skilið að koma nálægt kvikmyndagerð í framtíðinni og ættu að biðjast afsökunnar á þessu verki.


Ilionskviða er gríðarlega skemmtilegt verk og spennandi að lesa. Þessi mynd er algjört frat. Mjög ósennilegt að einhver sem kom nærri þessari mynd hafi lesið þetta verk, t.d. deyja menn í myndinni sem eiga ekki að deyja nærri Tróju og hvar eru guðirnir sem eru í raun í stærra hlutverki en nokkur annar í sögunni sjálfri. Reyndar er einnig ósennilegt að þeir hafi nokkurn tíman séð landakort á ævinni, Sparta er 30km inn í landi og því engin höfn í Spörtu eins og í myndinni, Trója er 7km inn í landi og því ekki nærri eins nálægt sjónum og í myndinni. Svo má einnig bæta því við að Trójustríðin stóðu yfir í 10 ár, ekki í 15 daga eins og myndin vill meina. Reyndar gæti maður talið upp milljón staðreynda villur í þessari mynd. Ég mæli því eindregið með að fólk lesi Ilionskviðu sem er stórskemmtilegt verk.


Haldið ykkur frá þessari mynd, hún er vitlaus, illa leikstýrt, illa leikinn og elur af sér fáfræði.

Virkilega góð mynd. Varð sannarlega ekki fyrir vonbrigðum. Þarna sá maður allar persónurnar, Akkiles, Hektor, Helenu fögru og alla hina, sprelllifandi á hvíta tjaldinu. Það sem stóð upp úr að mínu mati var stórleikurinn hjá Eric Bana, sem leikur Hektor. En annars var flest allt gott við þessa mynd, búningar, sviðsmynd, tónlistin var flott, átti eiginlega alltaf mjög vel við (Ath. 'eiginlega' alltaf). Ég hef nú aldrei verið mikill aðdáandi Brad Pitt, en hann far nú satt að segja bara fínn í þessari mynd. Bardagaatriðin voru mjög flott með honum. Á heildina litið var þetta bara í alla staði mjög góð mynd, og ekkert yfir henni að kvarta.

Ég veit nú ekki hvar ég á að byrja. Troy er alls ekki eins mikið miðjumoð og margir gagnrýnendur segja, en hún er engin snilld þrátt fyrir það. Um er að ræða einhverja dýrustu mynd allra tíma og það sést á útliti hennar og umhverfi að mikill metnaður er á bakvið hana. Frá búningum til sviðsmynda er myndin svakalega flott. Sagan er líka vel meðhöndluð en persónurnar eru það ekki. Það er einmitt einn stærsti galli myndarinnar. Persónusköpunin er þunn og takmörkuð. Eina undantekningin er Hector, sem er frábær karakter og virkilega vel leikinn af Eric Bana. Hann er óneitanlega senuþjófur myndarinnar og blæs mikilli dýpt í persónu sína og gerir hana að þeirri einu sem manni er virkilega ekki sama um. Restin af leikaraliðinu er misgóð. Brad Pitt, með sinn einkennilega ameríska hreim, er skítsæmilegur nema hann er gjörsamlega rangur maður í hlutverk Achillesar. Hann virðist bara vera þarna til að tryggja það að stelpur borgi sig inná myndina líka, enda lítur hann út eins og einhver Chippendales útgáfa af grísku goðsögninni. Orlando Bloom og Diane Kruger þurfa ekkert að gera annað en að líta vel út og eiga góða kemistríu á skjánum og mér sýndist þeim takast það með prýði. Bloom hins vegar fær mínusstig fyrir að vera einhver mesta kelling sem ég hef séð í kvikmynd síðustu misseri. Manni gæti ekki verið meira sama um aumingjann Paris og er ómögulegt að skilja hvað hin bennheita Helena sér við hann. Aðrir leikarar á borð við Sean Bean, Brian Cox, Brendan Gleeson og Peter O'Toole fylla ótrúlega vel upp í aukahlutverkin - enda vel solid nöfn - og eiga góð augnablik.Bardagasenur spila einnig mikinn þátt í myndinni og satt að segja fannst mér þau ferlega basic (afsakið enskuna). Þau eru meiriháttar flott gerð og skemmtileg til áhorfs, en einvígið á milli Hectors og Achillesar greip mig miklu meira. Án vafa besta bardagasenan í allri myndinni; uppbyggingin, spennan og hvernig það spilaðist út. Nánast fullkomið. Það er í raun svo margt gott við Troy og það var alveg skandall að lokaniðurstaðan skuli ekki hafa orðið meira epísk, og þar af leiðandi minnisstæðari. Hún hefði getað orðið frábær, vel útlítandi stríðssaga sem fókusar á mannlegu þættina. Jaaa... Hún er vel útlítandi náttúrlega, en því miður löng og pínu teygð ásamt fyrrnefndum veikleikum (bætið svo við sjúklega misjöfnu handriti, sem vaðar alveg í fjölmörgum klisjum). En burtséð frá því öllu mæli ég með myndinni fyrir að vera hin fínasta afþreying. Hún er peninganna vel virði og ætti að tryggja mjög gott bíókvöld fyrir áhugasama. Bara ekki búast við annarri Gladiator.7/10