Attack on Titan 2013
Frumsýnd: 14. mars 2003
This life was so close to never happening
Leiknir þættir - Seríu lokið
4 þáttaraðir (87 þættir)25 MÍN
Monty er á leiðinni í fangelsi eftir sólarhring. Þar mun hann eyða 7árum fyrir eiturlyfjasölu. En í stað þess að veltast í eymd yfir því ákveður hann að láta síðustu nótt sína sem frjáls maður verða eins eftirminnilega og hægt er.
Aðalleikarar
Leikstjórn
Handrit
25th Hour er ein besta mynd leikstjórans Spike Lee. Mjög raunveruleg mynd um mann sem langar að eyða síðustu stundum sínum sem frír maður með vinum sínum, sjá um vandamál sín og fá hreinan skjöld innan við 24 tíma áður en hann fer í fangelsi. Eins og einhver sagði hér, er myndin verulega hæg og gæti þessi mynd ekki hentað fyrir alla. En það sem mér finnst best eru einstaklega vel skrifaðar samræður og persónur myndarinnar. Lee fær stórgóða leikara í hver hlutverk, og skila þeir sínum hlutverkum snilldarlega frá sér. Ég skora á ykkur að tékka á þessari snilldarmynd.
25th Hour fer nokkuð djúpt inn í þennan eina dag sem einn maður hefur eftir áður en honum er kastað í steininn. Edward Norton sem leikur þann mann hann Monty er eins og venjulega fáranlega góður og sama með alla helstu aðallikarana, Barry Pepper, Rosario Dawson, Philip Seymour Hoffman og helst hann Brian Cox. Ég hef ekki séð margar Spike Lee myndir nýlega og 25th Hour er reyndar eina myndin sem ég hef séð frá honum í mörg ár. Ég er þó nokkuð sáttur með 25th Hour, myndin byggist aðalega á góðum leik sem heppnaðist mjög vel. Stíllinn við myndina er hreinlega bara að vera eins raunverulegur og hægt er án þess að vera með of mikið shaky-cam. Myndin gerist greinilega stuttu eftir 11.september 2001 þar sem mikið er sýnt af föllnu turnunum og restina af þeim á jörðu niðri. Tónlistin i myndinni fannst mér ganga of langt stundum, of dramatísk fyrir sum atriði fannst mér. Ég greinilega vanmat þessa mynd lengi þar sem ég hafði engann áhuga á myndinni. 25th Hour er laveg þess virði að sjá.
25th hour er hæg mynd en mjög góð og vel leikin.Samtölin eru skemmtileg og allt sem gerist er ótrúlega raunsætt og fær mann til að hugsa aðeins.Barry Pepper kemur sterkur inn og sýnir ágætisleik og Phillip Seymour Hoffman er einfaldlega einn besti leikarinn sem Hollywood á í dag og er einn af fáum leikurum sem ég hefði getað séð í því hlutverki sem hann var í.Hann(ásamt John C.Reilly) er ókrýndur konungur aukahlutverkanna og hefur aldrei klikkað.Það er gaman að sjá loksins mynd þar sem maður getur samhæft sig með aðalpersónunni og sagt:ef ég fer bara aðeins útaf beinu brautinni,þá gæti þetta gerst fyrir mig líka.
Þrælfín mynd.
Frábær mynd frá Spike Lee en eins og aðrar myndir frá honum getur hún verið furðuleg og alls ekki fyrir alla til þess að horfa á. Þeir sem að fíla Spike Lee eiga aftir að fíla 25th Hour hinir ættu ekki að vera að eyða í hana tíma. Edward Norton stendur sig eins og alltaf með prýði. Hann leikur eyturlifjasala sem er á leiðinni í fangelsi og í myndinni filgjumst við með síðasta sólarhringnum í lífi hans, þar sem hann er að kveðja vini sína og fjölskyldu. Edward tekst alveg einstaklega vel að túlka hlutverk sitt og miðla hræðslu og töffaraskap persónu sinnar út fyrir hvíta tjaldið.
Ég get vel mælt með því að fólk sem hefur áhuga á Spike Lee myndum sjái þessa mynd honum tekst einstaklega vel upp með hana.
Stórkostleg mynd um alvöru fólk 
25th Hour er á margan hátt sérstök kvikmynd, og í heild sinni frábær. Það helsta sem gerir hana svona merkilega er það hversu vel hún nær að fljóta miðað við það að hún fjallar eiginlega ekki um neitt. Myndin keyrir sig einungis sem karakterstúdíu þar sem umræður, átök og önnur hversdagslegheit koma við sögu - en á undraverðan hátt sem verður aldrei neitt síðra en grípandi.
Myndin er alveg gífurlega traust skrifuð, allt frá persónum til samtalanna. Hún er líka alveg snilldarlega leikin þótt hún sé að flestu leyti lágstemmd. Edward Norton er maður sem kann einfaldlega ekki að sýna lélega frammistöðu og er stórkostlegur í lykilhlutverkinu. Rosario Dawson fer líka frábærlega með sitt hlutverk, og þau Barry Pepper, Philip Seymour Hoffman og Anna Paquin standa sig sömuleiðis afskaplega vel og gera lagaskiptum persónum sínum réttlæti. Kvikmyndatakan er líka fögur og óvenjuleg fyrir svona mynd. Litirnir eru notaðir á t.d. merkilegan máta í ákveðnum senum, eins og t.d. bláu palletturnar á skemmtistaðnum. Mjög ferskt. Tónlistin spilar einnig mjög stóran þátt ó að gera myndina eins áhrifaríka og hún er, og meginstefið sjálft er helvíti öflugt. Notkunin á því í upphafi myndarinnar sem og í lokin er hér um bil ógleymanleg.
Leikstjórn Spikes Lee á líka gott hrós skilið, enda mikill fagmaður þegar það kemur að drama. Þetta er hiklaust með því besta sem hann hefur gert á sínum áhugaverða ferli, ef ekki það besta. Myndirnar hans eru ógurlega misgóðar að mínu mati, en hér slær hann á nánast alla réttu strengina. Ég hefði þó gjarnan viljað aðeins minna af bandaríkjadýrkuninni.
Þetta er ekki mynd fyrir alla, en samt alveg einstaklega góð mynd að mínu mati; frábærlega leikin og einstaklega grípandi. Mæli eindregið með henni.
9/10
25th Hour er á margan hátt sérstök kvikmynd, og í heild sinni frábær. Það helsta sem gerir hana svona merkilega er það hversu vel hún nær að fljóta miðað við það að hún fjallar eiginlega ekki um neitt. Myndin keyrir sig einungis sem karakterstúdíu þar sem umræður, átök og önnur hversdagslegheit koma við sögu - en á undraverðan hátt sem verður aldrei neitt síðra en grípandi.
Myndin er alveg gífurlega traust skrifuð, allt frá persónum til samtalanna. Hún er líka alveg snilldarlega leikin þótt hún sé að flestu leyti lágstemmd. Edward Norton er maður sem kann einfaldlega ekki að sýna lélega frammistöðu og er stórkostlegur í lykilhlutverkinu. Rosario Dawson fer líka frábærlega með sitt hlutverk, og þau Barry Pepper, Philip Seymour Hoffman og Anna Paquin standa sig sömuleiðis afskaplega vel og gera lagaskiptum persónum sínum réttlæti. Kvikmyndatakan er líka fögur og óvenjuleg fyrir svona mynd. Litirnir eru notaðir á t.d. merkilegan máta í ákveðnum senum, eins og t.d. bláu palletturnar á skemmtistaðnum. Mjög ferskt. Tónlistin spilar einnig mjög stóran þátt ó að gera myndina eins áhrifaríka og hún er, og meginstefið sjálft er helvíti öflugt. Notkunin á því í upphafi myndarinnar sem og í lokin er hér um bil ógleymanleg.
Leikstjórn Spikes Lee á líka gott hrós skilið, enda mikill fagmaður þegar það kemur að drama. Þetta er hiklaust með því besta sem hann hefur gert á sínum áhugaverða ferli, ef ekki það besta. Myndirnar hans eru ógurlega misgóðar að mínu mati, en hér slær hann á nánast alla réttu strengina. Ég hefði þó gjarnan viljað aðeins minna af bandaríkjadýrkuninni.
Þetta er ekki mynd fyrir alla, en samt alveg einstaklega góð mynd að mínu mati; frábærlega leikin og einstaklega grípandi. Mæli eindregið með henni.
9/10
Um myndina
Leikstjórn
Handrit
Framleitt af:
Vefsíða:
Aldur USA:
R
Frumsýnd á Íslandi:
14. mars 2003
VHS:
20. október 2003