Super Troopers (2001)

Thorny, Mac, Rabbit, Foster og Farva eru í vegalögreglunni í Vermont. Þeir eru staðsettir úti í sveit, nálægt landamærunum að Kanada, eru miklir prakkarar, hafa dálæti á sýrópi, og gera gjarnan einhverjar gloríur í starfi. En þegar skorið er niður í bæjarfélaginu Spurbury, þá er lífsafkomu þeirra ógnað og þeir verða að gyrða sig í brók. Skyndilega dúkkar lík upp, og fljótlega eiturlyfjahringur einnig. Vinirnir fimm þurfa nú að leysa málið, bjarga störfunum sínum, og gera betur en löggan í bænum.