Easter Sunday 2022

Balikbayan kassi er filippeysk hefð. Hann er fylltur af notuðum fötum, mat, snyrtivörum og öðrum hlutum sem er dreift til fjölskyldumeðlima í heimalandinu, Filippseyjum. Margir Bandaríkjamenn af filippeyskum ættum safna hlutum í svona kassa yfir allt árið. Þeir senda kassann annaðhvort með pósti eða taka hann með í næstu heimsókn sinni á heimaslóðir.

Í hádegisverðinum í almenningsgarðinum þá er maturinn borinn fram á hlaðborði á bananalaufum. Þessi skemmtilega framreiðsla er þekkt undir nafninu Kamayan, sem þýðir - Með höndunum. Maturinn er því borðaður án hnífapara eða annarra áhalda. Fyrir nýlenduvæðinguna var Kamayan hin hefðbundna aðferð til að matast.

Kuya þýðir eldri bróðir á filippeysku. Þó orðið sé oftast notað af systkinum þá geta nánir ættingjar og vinir einnig notað það. Í því felst virðing.

Barna-Jesú styttan er þekkt sem Santo Niño. Hún á fastan sess á mörgum filippeyskum kaþólskum heimilum.

Fjölskylda Joe talar Tagalog, sem er þjóðtunga Filippseyja. Það er eitt af meira en 100 mállýskum í landinu.

Tia Carrere og Lydia Gaston eru aðeins fjórum og ellefu árum eldri en Jo Koy, þó þær leiki hér eldri frænku og móður hans.