Lara Croft: Tomb Raider (2001)

Ég verð að segja eins og er en ég bjóst ekki við miklu af þessari mynd enda var hún ekkert sérstök. Ég veit að þetta er ævintýra mynd og það er má margt í þeim sem ekki er hægt í alvuru en stundum fannst mér sum atriði ganga útí öfga. Þó svo að skotbardagarnir hafi verið mjög flottir, hraðir og vel gerðir. Ég tala ekki um brjóstin á Angelina Jolie sem gerðu myndina enn flottari en hún hefði annas verið. Angelina Jolie var fædd í þetta hlutverk og var glæsileg! Þrátt fyrir allt fannst mér myndin frekar mikið rugl þrátt fyrir að vera ævintýra mynd.

Þó svo að ég hafi takmarkaða reynslu á tölvuleikjunum (spilaði einn, og þá í mesta lagi 20 mín.) hafði ég ágætis trú á bíómyndinni, kannski vegna þess að mér líst eitthvað svo vel á hugmyndina að skella saman Indiana Jones og James Bond í einn kvenkyns karakter með stór brjóst og mikla töffaratakta. Þetta býður upp á svo margt; svosem fjölbreytt og sláandi umhverfi, töff ofbeldi, heimsk illmenni, sjóðheita(r) sturtusenu(r), flottar græjur og kannski nokkra one-linera. Þarna erum við komin með uppskrift að fyrirtaks strákamynd... handa stelpum líka. Eitthvað fór samt úrskeiðis því eitthvað af þessum hráefnum eru sá sínum stað, en einhvern veginn tókst leikstjóranum Simon West (skulum ekki gleyma "snilldarmyndinni" Con Air) að búa til töff hasarmynd sem er alls ekki nógu skemmtileg.

Tomb Raider var samt ekki gerð með metnaðarfullu markmiði í huga og það er ekki séns að hún snerti tærnar þar sem sísta Indiana Jones-myndin hefur hælanna (allt annað mál með Bond-seríuna). Hún var gerð til þess að sameina það sem karlmenn fíla mest í bíómyndum: Brjóst og byssukúlur, en vegna þess að þetta er unglingamynd (PG-13, takk fyrir!) þurfa brjóstin að vera ávallt hulinn og kúlnahríðin meinlaus. Angelina Jolie er auðvitað brjálað heit í titilhlutverkinu og allir drengir sem hafa náð kynþroskaaldri eiga eftir að sitja með krosslagðar lappir út meirihlutann af myndinni (horfið samt á mynd sem heitir Gia - sést mun meira þar. Fínasta mynd líka). Hvað leikhæfileika hennar varða er mjög lítið hægt að segja því hún leggur ekkert á sig, ekki frekar en handritshöfundurinn eða leikstjórarinn lagði á sig nokkuð til að gera þetta að skotheldri ræmu sem væri pökkuð alls kyns fjöri. Onei, Jolie veður bara í gegnum þetta hlutverk skref fyrir skref. Hún þykist vera töff, talar með breskum hreim eins og það sé ekkert eðlilegra og tekur þátt í látunum þegar þörf eru. Leiktilþrif eru engin og umhyggja gagnvart persónunni heldur ekki nein. Ég held að áhættuleikari hennar hafi fengið meira út úr rullunni en hún sjálf.

Ég þoli heldur ekki þegar flottustu senurnar í spennumyndum eru staðsettar fremst. Maður býður út afganginn til þess að sjá myndirnar toppa þær með einhverju ennþá betra en svo gerist það aldrei. Þannig er einmitt Tomb Raider. Myndin byrjar tussuvel og með látum en síðan fer hundleiðinlegur og vægast sagt bjánalegur söguþráður af stað og hasarinn skiptist á milli þess að vera svalur og skrípalegur. Það sést að mikið er lagt í framleiðsluna en öll sú vinna er bara gagnslaus þegar innihaldið er jafn stíft og hérna. Ég vona að afsökun aðstandenda sé ekki sú að þeir ákváðu bara að gera þunna mynd úr þunnum leik. Það lítur allavega út fyrir það.

5/10

Einfaldlega leiðileg mynd. Slappur húmor og légleg spenna. Ég heyrði að þetta væri ekki einusinni líkami Angelina Jolie heldur einhvern önnur gella. Vantaði mynd á markaðinn og þessi var gerð í skyndi. Ég nenni ekki að segja um hvað þessi mynd er því að þá fer ég bara í vont skap.

Þetta er nú bara ein af öðrum þessum ævintýraþvælum. Þessi mynd er hrikalega ýkt.. Eins og trailerinn þegar nöfnin kommu svona, endurtekin. Þeir eru líka að reyna að stæla Matrix, ótrúlegt. Tvær stjörnur fyrir ágætis bardagaatriði. - mæli ekki með þessari.

Tomb Raider Hér er loksins kominn mynd um hana Löru kroft og var tími komin til því leikurinn er búinn að vera vinsæll og þeir sem kunna sem að kunna að meta góða leiki verða ekki fyrir vonbrigðum með þennan leik og ekki er myndin síður góð og ég sjálfur held að þetta sé það sem beðið hefur verið eftir en samt er dálítið asnalegt með að Lara fer alltaf léttu leiðina en ekki þeir sem áttu að vita svo mikið um þetta en graffíkin og hljóðið er hreint og beint frábært og mætti gera aðra svona mynd en þá ekki hafa allt svona auðvelt fyrir Löru eins og með klukkuna sem hún fann undir stiganum og það að krakkinn hjálpaði henni inn í hofið þar sem fyrsta brotið var og að hún fann ákkurat vegginn þar sem upplísingarnar voru um hvað átti að gera en að öðru leiti mátti hafa gaman af myndinni. P.s. vona að þið skemmtið ykkur vel á myndinni þið sem hafið ekki séð hana. Takk fyrir.

Ég verð að segja eins og er, að mér fannst þessum 800 kr sem borga þarf nú í bíó illa varið í Tomb Raider, og ég hef heyrt suma verið að segja að þetta sé þvílíkt promotion fyrir Ísland að vera í þessari mynd en mér finnst það ekki, mér fannst þetta litla sem var af Íslandi, veistu hefði ég ekki vitað betur hefði ég haldið að þetta væri í Grænlandi. Myndin er að mínu mati svo slöpp að ég get ekki lýst henni öðruvísi. Það eina sem vantar til að gera þessa mynd að slappri klámmynd er klámmyndasenan. Ég mæli alls ekki með henni.

Ég hafði beðið eftir þessari mynd lengi en hún stóðst alls ekki undir væntingum. Tomb Raider er enn ein bjarga heiminum myndin en nú er Lara Croft (Angelina Jolie) í því hlutverki. Hún þarf að ná þríhyrningi sem stjórnar tímanum. Myndin er nokkurn vegin samblanda af James Bond og Indiana Jones. En inn á milli koma skemmtileg hasar atriði.

Ég vill nú bara segja það að mér fannst þessi mynd hryllingur. Spennan slök, húmorinn gamaldags og myndin fyrirsjáanlega. Reyndar er hægt að hugga sig við það að Angelina Jolie leikur í henni. En ég vill bara gefa þessari mynd hálfa stjörnu og alls ekki meira.

Ok flottar tæknibrellur og Angelina Jolie er FLOTT Lara, hún smellpassar í rulluna. Þá eru kostir hennar upp taldir, ef það hefi aðeins verið betri rithöfundur sem hefði verið fenginn að þessari mynd hefði hún verið gullmoli. Í þess stað er sagan heldur innihaldslítil þótt hugmyndin sé góð. Mummy er mun betri mynd í alla staði. Sem sagt ágætis skemmtun en engin snilld.

Ég bjóst ekki við miklu þegar ég lappaði inn á þesa mynd, raunar vissi ég bara ekki neitt hvað hún fjallaði um en þetta er með bestu myndum sem ég hef séð. Allir leikararnir eru frábærir í þessu og myndinn er mjög vel tekin og stórkostlegar brellur. Eins og sést hefur á mörgum umfjöllunum finnst mörgum hún ekki góð en öðrum finnst það. Allavega sat ég spennt yfir henni allan tíman og beið eftir hvað mundi gerast næst en ég var nú ekki allveg vis hvort ég ætti að velja 3 1/2 eða 4 stjörnur en valdi 4. Endilega allir sem halda að þeir hafi gaman af þessari mynd ekki missa af henni

Jeminn eini, þvílík vonbrigði. eftir að hafa séð trailerinn hélt ég að við ættum von á Matrix mynd 2001 en í staðinn var þessi samsuða af mest óþolandi klisjum allra hasarmynda. Samtölin voru hreinasta hörmung, öll svona one liner kúl svör. Söguþráðurinn var nú ekki beint frumlegur - bjarga heiminum! og það frá lögfræðingi í klukkuleit! Eina sem var vert að horfa á voru tvö atriði: teygjustökksatriðið og hundasleðaatriðið í endann, annað var rusl. Eitt sem ég náði ekki alveg gátu menn smíðað svona vélar eins og voru í myndinni fyrir 5000 þúsund árum?