You Won't Be Alone 2022

Samkvæmt framleiðandanum Focus Features þá rannsakaði leikstjórinn og handritshöfundurinn Goran Stolevski skelfilegar goðsagnir í heimalandi sínu til að skapa persónur og söguþráð myndarinnar. \"Með því að kanna þjóðsögur Makedóníu þá komst ég að því að þegar einstaklingar voru sakaðir um galdra þá voru þeir einnig grunaðir um að fara í líki annarrar persónu eða dýrs,\" segir hann. \"Þetta tvennt kveikti hugmyndina að kvikmyndinni.\"

Aðalleikkonan Noomi Rapace sagði við IndieWire að hún hefði ekki haft hugmynd um að hún þyrfti að vera nakin í kvikmyndinni þar til leikstjórinn Goran Stolevski spurði hvernig henni liði með það kvöldið áður en tökur hófust. Hann benti henni á að sá hluti handritsins þar sem persóna hennar er sögð birtast \"eins og hún var þegar hún fæddist\" þýddi að hún yrði að vera nakin. Rapace hugsaði, \"Guð minn góður, hvað hef ég komið mér út í ?\" En hún gat ekki hætt við og varð að gera eins og leikstjórinn bað. Ótti hennar minnkaði daginn eftir þegar tökur hófust. Stolevski virtist vera með allt á hreinu og hún gat einbeitt sér að hlutverkinu og nektinni, sem, fyrir hana, var mjög rökrétt fyrir persónuna.