The Killing 1956
These 5 Men Had a $2,000,000 Secret Until One of them told this Woman!
Johnny Clay er með pottþétta áætlun. Eftir að hafa dúsað í fimm ár í Alcatraz fangelsinu, þá ákveður hann að ef hann ætlar að halda áfram á glæpabrautinni, þá ætti áhættan sem hann tekur að vera í einhverjum takti við mögulega refsingu. Hann ákveður því að skipuleggja úthugsaða áætlun um að ræna tveimur milljónum Bandaríkjadala frá veðhlaupabraut... Lesa meira
Johnny Clay er með pottþétta áætlun. Eftir að hafa dúsað í fimm ár í Alcatraz fangelsinu, þá ákveður hann að ef hann ætlar að halda áfram á glæpabrautinni, þá ætti áhættan sem hann tekur að vera í einhverjum takti við mögulega refsingu. Hann ákveður því að skipuleggja úthugsaða áætlun um að ræna tveimur milljónum Bandaríkjadala frá veðhlaupabraut í bænum þar sem enginn á að meiðast. Eini gallinn á áætluninni er að hann gerði ekki ráð fyrir því Sherry Peatty myndi hleypa öllu í uppnám, en hún er eiginkona eins úr ræningjagenginu, George Peatty. ... minna
Aðalleikarar
Leikstjórn
Handrit
Þetta film noir snilldarverk Kubricks er á topp 10 listanum yfir uppáhalds kvikmyndirnar mínar, jafnvel þótt hann stæli ef til vill fullmikið Asphalt Jungle eftir John Huston frá 1950. Eftirminnilegasti leikarinn úr báðum þessum myndum, Sterling Hayden, er hér stórgóður sem skipuleggjandi veðhlaupabrautarráns, sem virðist ætla að verða hinn fullkomni glæpur. Sagt er að Tarantino hafi verið undir sterkum áhrifum frá báðum þessum kvikmyndum þegar hann gerði Reservoir Dogs. Ef þið hafið ekki séð þær nú þegar, látið þá verða af því sem fyrst. Þær eru allar MÖST.
Þetta er alveg sultufín ræma, gáfuleg, vel leikin, kolsvört og djúp og á því kannski takmarkað erindi til ungs fólks í dag. En þetta er ein sú besta ræma sem ég hef á minni ævi séð og mæli ég algjörlega og eindregið með henni. Ein af fjórum myndum sem Tarantino segist hafa stælt með Reservoir Dogs og eiginlega best þeirra fjögurra. Þeir sem hafa gaman af góðum myndum, endilega sjáið þessa, þið hin skulið bara horfa áfram á Independence Day.