Henry Fool (1997)

Ruslakarlinn Simon er klaufalegur í öllum félagslegum samskiptum. Hann kynnist Henry Fool, hnyttnum, kankvísum, en hæfileikalausum skáldsagnahöfundi. Henry opnar töfraheim bókmenntanna fyrir Simon sem ákveður að semja hið “stórkostlega bandaríska ljóð”. Eftir því sem Simon nálgast það að verða Nóbelsverðlaunahöfundur, þá sekkur Henry dýpra og dýpra inn í drykkjuskap og vesældóm. Það slettist upp á vinskapinn og þeir missa samband þar til vafasöm fortíð Henry kemur í bakið á honum og hann þarf hjálp frá Simon til að flýja land.