The Oath (2018)

Í ekki svo fjarlægri framtíð hefur öllum Bandaríkjamönnum verið gert skylt að skrifa undir hollustueið við forsetann, ekki síðar en á „Black Friday“ sem er dagurinn á eftir þakkargjörðardeginum. En það eru ekki allir sáttir við þennan nýja eið. Myndin gerist á þakkargjörðardaginn á heimili hjónanna Chris og Kaj sem hafa boðið nokkrum fjölskyldumeðlimum í mat. Fljótlega kemur í ljós að í loftinu er talsverð pólitísk spenna því að á meðan sumir matargestanna vilja fúslega skrifa undir hollustueiðinn við forsetann eru aðrir algjörlega á móti því og telja á sér brotið með slíkri skyldu. Til orða- og skoðanaskipta kemur og smám saman hitnar svo í kolunum að allt fer í háaloft með ófyrirsjáanlegum afleiðingum ...