Moving (1988)

Hér kynnumst við Arlo Pear! Hann er fjölsyldumaður sem á ástríka eiginkonu, uppreisnargjarna dóttur, tvíburasyni, og hálf-dauðan hund. Hann er einnig í fínu starfi hjá borginni í New Jersey. Hann er verkfræðingur sem sérhæfir sig í almenningssamgöngum. En einn daginn er hann rekinn úr vinnunni þannig að nú þarf hann að finna sér annað starf. Hann finnur svipað starf og það gamla, nema það er í Boise í Idaho. Arlo líst vel á það, nú sleppur hann loksins burt frá klikkaða nágranna sínum sem á risastóra sláttuvél. Eina vandamálið er hvernig hann á að tilkynna fjölskyldunni fréttirnar. En ákvörðunin er tekin, og nú er að flytja! Nú þurfa þau að selja húsið með sprenghlægilegum afleiðingum. Þau finna sér flutningamenn, tvo fyrrum fanga hjá King Kong Bundy. Og svo er að finna sér rétta húsið í Idaho. Fljótlega finna þau draumahúsið, þannig að nú snúa þau aftur til New Jersey, og fara til Boise. Arlo ræður mann til að aka SAAB bifreið sinni til Idaho, en veit ekki að maðurinn er með átta persónuleika. Og ef það var ekki nóg þá er nýja húsið alls ekki eins og þau bjuggust við, og nágranni þeirra í New Jersey er tvíburi mannsins í næsta húsi við þau í Idaho, og hann á líka risastóra sláttuvél. Og þegar hlutirnir gátu ekki versnað meira, þá gera þeir það samt. Arlo missir nýju vinnuna og flutningamennirnir mæta aldrei á staðinn. Þannig að núna þarf Arlo að taka til sinna ráða!