Maudie (2017)

Sönn saga eins þekktasta listmálara Kanada, Maud Lewis, sem heillaði landa sína með litríkum náttúru- og dýramyndum sem hún seldi fyrir framan litla húsið sem hún bjó í ásamt eiginmanni sínum í bænum Digby í Nova Scotia. Maud, eða Maudie eins og hún var ætíð kölluð, fæddist árið 1903 og lést árið 1970, 67 ára að aldri. Frá unglingsaldri stríddi hún við slæma gigt sem gerði henni erfitt um gang en aftraði henni ekki frá því að mála myndir af því sem í kringum hana var hverju sinni. Lífshlaup hennar er stórmerkilegt og þá ekki síður lífshlaup eiginmannsins Everetts.