In Secret (2013)

Myndin gerist í París upp úr 1860. Við kynnumst hér hinni ungu og ástríðufullu Theresu Raquin sem er neydd til að giftast veiklulegum frænda sínum, Camille, en hann er gjörsamlega ófær um að uppfylla þarfir hennar og langanir. Dag einn ber gest að garði á heimili hjónanna, hinn myndarlega listamann Laurent, og það líður ekki á löngu uns hann og Theresa hefja eldheitt ástarsamband. En ást þeirra er forboðin með öllu og á eftir að hafa grafalvarlegar afleiðingar ...