Leikstjórinn Peter Jackson segir að það verði ekki eins mikill húmor í annarri mynd hans í Hobbita-þríleiknum, The Desolation of Smaug.
„Húmorinn er minni, enginn spurning,“ sagði Jackson við Empire. „Í fyrstu myndinni vildum við reyna að fanga margt úr barnabókinni en það er ekki við hæfi að gera það lengur. Það er margt alvarlegt í þann mund að gerast og mikilvægt að við berum virðingu fyrir því.“
The Desolation of Smaug kemur í bíó um næstu jól. Fyrsta myndin, An Unexpected Journey, náði inn yfir einum milljarði dala í miðasölunni um heim allan.
