Richard Madden, sem leikur Robb Stark í sjónvarpsþáttunum vinsælu Game of Thrones, mun leika hlutverk prinsins í nýju Öskubusku myndinni sem Disney kvikmyndafyrirtækið er að gera.
Eins og við sögðum frá á dögunum þá leikur Lily James úr sjónvarpsþáttunum Downton Abbey hlutverk Öskubusku, og Cate Blanchett vondu stjúpuna.
Leikstjóri myndarinnar er Kenneth Branagh.
Disney setti þessa mynd um Öskubusku fyrst í framleiðslu árið 2010, í kjölfar vinsælda Lísu í Undralandi. Aline Brosh McKenna, höfundur Devil Wears Prada, skrifar handritið að Öskubusku.