Sögulega kvikmyndin The Brink of War, eða Á barmi styrjaldar eins og hún er kölluð á íslensku, var frumsýnd við hátíðlega athöfn í Sambíóunum í Kringlunni í vikunni. Myndin fer í almennar sýningar þann 8. október næstkomandi.
Í myndinni er sagt frá hinum fræga leiðtogafundi í Höfða í Reykjavík þegar leiðtogar Bandaríkjanna og Sovétríkjanna, Ronald Reagan og Mikhaíl Gorbatsjov, hittust til að ræða um kjarnorkuvopn m.a. árið 1996.
Vildi ræða ferðafrelsið
Eins og myndin segir frá þá beinist tal þeirra snemma að kjarnorkuafvopnun en Reagan hefur einnig áhuga á öðrum málefnum eins og því að Sovétmenn fái að ferðast frjálsir frá landi sínu. Á meðan skoðar Raísa kona sovéska leiðtogans landið og er henni fylgt eftir af alþjóðlegu fréttafólki sem ekki mátti fylgjast með viðræðunum vegna fréttabanns.
Heima í Washington beið svo Nancy kona Reagans og fékk reglulega símtöl frá eiginmanninum.
Ofaní kjallara í Höfða voru svo leyniþjónusturnar CNN og KGB með aðstöðu og körpuðu um ýmislegt.
Boðið var upp á smáborgara frá Hamborgarafabrikkunni á undan sýningu myndarinnar.
Nokkrir íslenskir leikarar koma fram í kvikmyndinni og sumir í nokkuð stórum hlutverkum. Jóhannes Haukur Jóhannesson er í því stærsta, í ráðgjafarsveit Ronalds Reagan.
105 Íslendingar tóku þátt í myndinni. Framleiðslukostnaður hér á landi var um 800 milljónir króna
Baðst afsökunar
Í erindi sínu á undan sýningunni byrjaði leikstjórinn á, meira í gamni en alvöru, að biðjast afsökunar á því að hafa látið fólk standa úti í kuldanum, ef það var svo klippt út úr myndinni á endanum.
Hann þakkaði Íslendingum fyrir samvinnuna og var ánægður með hvernig til tókst. Ræða hans er öll í spilaranum hér að neðan:
The Brink of War (2026)
6.3 
7/10 
