Væntanlegt

Tvær systur snúa aftur á æskuheimili sitt þar sem þær hitta föður sinn sem eitt sinn var frægur kvikmyndaleikstjóri. Hann býður annarri þeirra aðalhlutverk í nýrri kvikmynd ... og þá breytist allt.

Anna Arnardóttir, einn helsti eldfjallafræðingur Íslands, stendur frammi fyrir tvennum hamförum: eldgosi sem ógnar öryggi höfuðborgarbúa og ástarsambandi sem gæti eyðilagt hjónaband hennar.

Cynthia Rand er siðprúð kona frá New York, gift snjöllum prófessor sem er 25 árum eldri en hún. Hún byrjar að finna fyrir áhrifum hækkandi aldurs eiginmanns síns á samband þeirra, einmitt þegar koma Stan Olszewski, snjalls en fremur duglauss öryggisvarðar, snýr heimi hennar á hvolf.

Sarah og David, sem bæði eru einhleyp, hittast í brúðkaupi sameiginlegs vinar. Fljótlega, í gegnum óvænta örlagafléttu, eru þau farin í skemmtilegt og ævintýralegt ferðalag saman. Þar fá þau tækifæri til að endurupplifa mikilvæg augnablik úr fortíð sinni, sem varpar ljósi á hvernig þau komust þangað sem þau eru í núinu... og hugsanlega tækifæri til að breyta framtíð sinni.

Ástin sem eftir er fangar ár í lífi fjölskyldu þar sem foreldrarnir stíga fyrstu skrefin í átt að skilnaði. Á fjórum árstíðum fylgjumst við með hversdagslífi fjölskyldumeðlima í gegnum óvænt, fyndin og hjartnæm augnablik sem endurspegla hið breytta samband þeirra.

Fyrrverandi meðlimir rokkkhljómsveitarinnar Spinal Tap, sem nú eru farnir hver í sína áttina, neyðast til að koma saman á nýjan leik á einum lokatónleikum í von um að tryggja sér sess í frægðarhöll rokksins.

Eftir að bróðir hans, sem var lögreglumaður, er myrtur af eiturlyfjasala sem flýr til Mexíkó í skjól frænda síns sem er tengdur eiturlyfjahring, fer bandarískur maður með bakgrunn úr lögreglu og her suður fyrir landamærin til að hefna sín.

Mark Kerr, sem keppir í blönduðum bardagalistum, MMA, glímir við ópíóðafíkn, á sama tíma og hann rís til metorða í íþróttinni.

Heillallandi tónleikamynd sem lífgar við magnaða sögu hinnar einstöku Geraldine Flower, og segir frá því þegar ferðataska full af bréfum sem henni voru send á sjöunda og áttunda áratugnum finnast, sem veittu hinni rómuðu íslensku söngkonu og lagahöfundi, Emilíönu Torrini, innblástur til að snúa aftur í hljóðverið.

Staghaus er vakinn til lífsins til að vernda önnur sköpunarverk brjálaða vísindamannsins í Hroðakastala, frá íbúum Grútargerðis

Þegar sonur Ellenar og Pauls kynnir nýju kærustuna sína í 25 ára brúðkaupsafmælisveislu þeirra grunar engan að þetta sé upphafið að endalokum þessarar hamingjusömu fjölskyldu. Nýja kærastan er Liz, fyrrverandi nemandi Ellenar, sem hætti í háskólanum nokkrum árum áður eftir að Ellen gagnrýndi hana í tíma fyrir róttæka hugmyndafræði.

Michael, síðasti sonur fjárhirðafjölskyldu, býr með veikum föður sínum, Ray. Michael burðast með erfitt leyndarmál og hefur einangrað sig frá umheiminum. Þegar deilur við keppinautinn Gary bónda og son hans Jack stigmagnast, dregst Michael inn í hrikalega atburðarás sem neyðir hann til að horfast í augu við hrylling fortíðar og skilur báðar fjölskyldur eftir varanlega breyttar.

Að kvöldi 31. mars 1943 glímir hinn goðsagnakenndi textahöfundur Lorenz Hart við brotna sjálfsmynd sína á Sardi's-barnum á meðan fyrrverandi samstarfsmaður hans, Richard Rodgers, fagnar frumsýningu á hinum stórbrotna söngleik sínum, „Oklahoma!“.

Liz og Malcolm fara í rómantíska helgarferð í sumarbústað úti í sveit. Þegar Malcolm þarf að fara óvænt aftur í bæinn upplifir Liz sig einangraða og svo virðist sem einhver ólýsanleg illska lúri í bústaðnum sem afhjúpar um leið hryllileg leyndarmál.

Eftir hörmulegan atburð er kona ein á báti á meðan allir aðrir halda áfram með líf sitt eins og ekkert hafi í skorist.

Roberta Flack tryggði sér sess í tónlistarsögunni þegar hún varð fyrsti listamaðurinn til að vinna Grammy-verðlaunin fyrir upptöku ársins tvö ár í röð, fyrir „The First Time Ever I Saw Your Face“ (1973) og „Killing Me Softly with His Song“ (1974). Dýpt og margbreytileiki texta hennar og viðfangsefna, auk fágaðrar blöndu klassískra áhrifa og sálartónlistar í stíl hennar, spratt allt frá konu sem ígrundaði hlutverk sitt og sjálfsmynd alla ævi. Kvikmyndagerðarmaðurinn Antonino D'Ambrosio hefur skapað stórkostlegan minnisvarða um einstakan og óflokkanlegan tónlistarsnilling, með umsögnum frá samtímalistamönnum sem hún hefur veitt innblástur.

Fatahönnuðurinn Amy Powney er á hátindi ferils síns en hefur áhyggjur af sóun í greininni. Fashion Reimagined fylgir henni eftir í umbreytandi ferðalagi um heiminn til að skapa fatalínu sem er sjálfbær á öllum sviðum.

Tafiti, ungur jarðköttur, hafnar í fyrstu vináttu við Bristles, runnasvín. Þegar afi hans er bitinn af snáki leggur Tafiti af stað til að finna blómið sem er lækningin. Bristles vill sanna að ævintýri séu alltaf betri með vinum.

Örvæntingarfull leit konu að löngu týndri systur sinni stigmagnast, þegar hún áttar sig á að ímyndaði djöfullinn úr bernsku þeirra, gæti hafa verið raunverulegur.

Þegar ljósmyndararnir Anne og Patrick koma um borð í skip með ungan son sinn, Lukas, hleypa þau af stað atburðarás sem fléttar fjölskyldu þeirra saman við myrka fortíð skipsins. Eftir því sem skelfingin magnast í kringum þau gera þau sér grein fyrir því að þetta glæsilega farþegaskip er ekki allt sem sýnist: merkileg arfleifð þess felur ofbeldisfull leyndarmál.