Á leigunum

Þegar móðir hermanns kemst að því að kúlan sem varð syni hennar að bana í Afganistan var framleidd í verksmiðjunni þar sem hún vinnur, leggur hún af stað í hefndarför gegn þeim sem bera ábyrgðina.

Þegar miskunnarlaus harðstjóri stelur milljarða dala auðæfum er leynileg sveit úrvalsfulltrúa send til að endurheimta þau. Þetta er fólk sem starfar á laun í alþjóðlegum undirheimum, jafnvígt á að beita völdum, áhrifum, sjálfvirkum vopnum og öflugu sprengiefni. Verkefnið, sem væri sjálfsmorðsför fyrir alla aðra, þróast úr ómögulegu ráni í allsherjarstríð þar sem herkænska, blekkingar og lífsafkoma ráða ríkjum.

Í miðjum krakkfaraldri leita tveir fíkniefnalögreglumenn að löggumorðingja. Í von um vísbendingar borga þeir Moran og Thorton dópista fyrir upplýsingar. Til að sjá fyrir konu sinni og syni flækir Moran uppljóstrarann í lífshættulegt samsæri. Þetta veldur því að félagarnir lenda undir smásjá grunsamlegs rannsóknarlögreglumanns úr innra eftirliti.

Unnusti Gail Daughtry, hárgreiðslukonu í smábæ í Kansas, notar kynlífs - frípassann sinn með leikkonunni Jennifer Aniston. Þetta verður til þess að Gail fer til Los Angeles með vini sínum Otto til að nota samskonar passa sem hún á til að sofa hjá leikaranum Jon Hamm, til að jafna metin.

Sérsveitarmaðurinn Jake Harris verður að stöðva hóp málaliða, undir forystu vonsvikins fyrrverandi félaga síns, áður en þeim tekst að gera eldflaugavarnakerfi Bandaríkjanna óvirkt.

Brjálsemi skekur friðsælan sumarbæ þegar ísbílsstjóri selur börnum sætindi með skelfilegum afleiðingum.

Í aðdraganda Seinni heimsstyrjaldarinnar ræða tveir helstu hugsuðir tuttugustu aldarinnar, rithöfundurinn C.S. Lewis og sálgreinirinn Sigmund Freud, um tilvist Guðs. Í myndinni er fjallað um lífshlaup beggja manna í fortíð og samtíð, og horft fram á veginn.

Eftir að hafa sloppið af geðsjúkrahúsi beinir ofbeldisfullur siðblindingi að nafni Paul athygli sinni að Sofiu, heimsfrægri poppstjörnu. Hann er heltekinn af henni og tekur Sofiu í gíslingu á heimili hennar, í þeirri ranghugmynd að þau séu að fara að giftast. Paul er vill sanna hollustu sína, sem leiðir til spennuþrunginna og óútreiknanlegra aðstæðna.

Þegar hópur utangarðs framhaldsskólanema rekst óafvitandi á forna azteka-dauðaflautu, uppgötva þau að þegar blásið er í hana leysist úr læðingi ógnvekjandi hljóð sem kallar fram framtíðardauða þeirra sem eltir þau uppi. Þegar líkin fara hrannast upp rannsaka vinirnir uppruna flautunnar í örvæntingarfullri leit að leið til að stöðva atburðarásina.

Anna Arnardóttir, einn helsti eldfjallafræðingur Íslands, stendur frammi fyrir tvennum hamförum: eldgosi sem ógnar öryggi höfuðborgarbúa og ástarsambandi sem gæti eyðilagt hjónaband hennar.

Hanahérinn leggur upp í mikla leit að dularfullum múrmeldýri sem býr yfir þeim mætti að geta spólað til baka í tíma og bjargað tegund sinni. Ævintýrið tekur óvænta og hættulega stefnu þegar hópurinn kemst að því að hann er ekki sá eini sem leitar að þessum forna mætti.

Undarlegar dyr birtast í kjallara húsgagnaverslunar.

Maður í hjólastól á flugvelli segir ókunnugum manni sögu af veðreiðarsvindli árið 1979 sem olli dauða fjölskyldna. Á Manhattan deyja tveir veðbókarar og sonur mafíuforingja. Ungur maður fer úr sturtu og fer til dyra, en þar er nágrannakona hans mætt, og hann segir henni að hann sé gestkomandi, hann hafi átt ömurlega viku, hafi verið rændur, og viti ekki hvar vinur hans er, sem býr í íbúðinni. Nágrannakonan, sem er útfararstjóri, spjallar við hann. Tveir þorparar koma og álykta sem svo að maðurinn sé sá sem á íbúðina, og þeir fara með hann til mafíuforingjans sem missti son sinn, og hann skipar honum að drepa son annars mafíósa sem er erkióvinur hans. Er hann ekki að fara mannavillt? Hvað tengir þræðina saman? Og löggan er að horfa á allt saman.

Þegar litli, glaðlyndi flóðhesturinn Múmbó Júmbó stækkar allt í einu óstjórnlega, breytist líf hans til hins verra - að því er virðist að eilífu. Nú er Múmbó neyddur í krefjandi ferðalag til að hitta skrítna norn. Sem betur fer slást bestu vinir hans í för með honum. Það er hvorki auðvelt að vera lítill flóðhestur né risavaxinn, og þegar eina leiðin aftur til eðlilegs ástands er háð samvinnu hreinskilinnar og óþekkrar nornar, getur hver sem er ímyndað sér að það krefst mikillar áreynslu.

Eftir að hafa lifað lífi glæpa og morða glímir Hrói höttur við fortíð sína. Hann slasast alvarlega í bardaga sem hann taldi verða sinn síðasta. Í höndum dularfullrar konu fær hann tækifæri til að öðlast sáluhjálp.

Ekkja úti á landi, sem stundar vatnaveiði, er á leið um snævi þakinn norðurhluta Minnesota. Þegar hún stoppar til að spyrjast til vegar áttar hún sig á einhverju skrýtnu og í framhaldinu truflar hún rán á unglingsstúlku. Hún er í margra klukkustunda fjarlægð frá næsta bæ og án símasambands og gerir sér grein fyrir því að hún er eina von stúlkunnar.

Eftir að hafa misst eiginmann sinn leitar kona huggunar hjá tengdafjölskyldu sinni á afskekktu heimili þeirra. Þegar þau breytast í djöfullega Deadites anda, eitt af öðru – og breyta samkomunni í martraðarkennt ættarmót – uppgötvar hún að heitin sem hún gaf í lifanda lífi... lifa áfram, jafnvel í dauðanum.

Fyrrverandi sérsveitarmaður og baslandi faðir snýr sér að því að ræna McDonald's-veitingastaði með því að skera göt á þök þeirra og fær við það viðurnefnið „Þakmaðurinn“. Eftir að hafa sloppið úr fangelsi stelst hann til að búa í Toys „R“ Us-verslun í sex mánuði á meðan hann skipuleggur næstu skref. En þegar hann verður ástfanginn af fráskilinni móður byrjar tvöfalt líf hans að rakna upp, sem hrindir af stað spennandi kattar og músar-eltingarleik þar sem fortíðin sækir hratt að honum.

Fjölskylda er föst inni á heimili sínu í Hollywood Hills og berst fyrir lífi sínu þegar hún klemmist mitt á milli skógarelds sem geisar og hóps grimmra sléttuúlfa.

Þegar Rick, brúðkaupssöngvari sem er kominn yfir sitt besta skeið, hittir fyrrverandi strákabandsstjörnuna Danny á tónleikum, tengjast þeir tveir í gegnum tónlist og létta spunasessjón. En þegar Danny gerir eitt af lögum Ricks að slagara sem endurvekur feril hans, leggur Rick af stað til að endurheimta þá viðurkenningu sem honum finnst hann eiga skilið – jafnvel þótt það þýði að hann leggi allt sem honum þykir vænt um í hættu.