Rás Kvikmyndir.is á YouTube hefur notið mikilla vinsælda undanfarið vegna atriðis úr kvikmyndinni The Dark Knight sem sett var þangað inn fyrir stuttu. Atriðið ber nafnið Tonight’s Entertainment og skartar Heath Ledger í aðalhlutverki sem Jókerinn og fer hann mikinn í veislu einni.
Atriðið hefur notið mikilla vinsælda og er með einkunnina 5 stjörnur af 5 og hingað til hafa rétt rúmlega 131 þúsund manns gert sér lítið fyrir og horft á hana. Í kjölfar þessa gríðarlega áhorfs hafa margir gert hana að sínu uppáhaldi, eða um 649 manns, og því er atriðið frá Kvikmyndir.is á topplista yfir helstu uppáhaldin síðastliðinn mánuð (Top Favorites this Month).
Það sem áhorfendur eru hvað helst ánægðir með eru myndgæði atriðisins, en þið getið smellt hér til að horfa á það í betri myndgæðum en venjulega á YouTube. Venjuleg gæði má sjá hér fyrir neðan með því að ýta á play.
Tengdar fréttir