Rúmenskir menningardagar hófust á miðvikudag í Hörpu og standa framyfir helgi en meðal dagskrárliða eru kvikmyndasýningar í Bíó Paradís.
Rúmensk kvikmyndagerð er í mikilli sókn, samkvæmt upplýsingum frá bíóinu, og hafa rúmenskir kvikmyndagerðarmenn á undanförnum árum unnið bæði Gullpálmann í Cannes og Gullbjörninn í Berlín.
Í kvöld kl. 18 verður sýnd myndin I’m an Old Communist Hag og mun leikstjórinn Stere Gulea sitja fyrir svörum á eftir.
Sjáðu stiklu úr myndinni hér fyrir neðan:
Kvikmyndir.is ætlar að gefa frímiða á sýningu myndarinnar nú í kvöld og er nóg að fara hingað, á Facebook síðu kvikmyndir.is, skrifa nafn sitt og óska eftir miða, og þá verðurðu sett/ur á gestalista í miðasölunni.
Nokkurt magn af miðum er í boði og við hvetjum alla til að mæta.