Íslenska kvikmyndin Kúluskítur / Shitballs hefur fengið stuðning frá Nordisk Film & TV Fond, samkvæmt yfirliti sjóðsins yfir styrki á þriðja ársfjórðungi 2026.
Handrit myndarinnar er eftir Álfrúnu Helgu Örnólfsdóttur sem einnig hyggst leikstýra. Styrkurinn nemur 1,3 milljónir norskra króna eða um sextán milljónum íslenskra króna.
Styrkur frá Nordisk Film & TV Fond er ekki bara fjárhagsleg innspýting. Hann er líka ákveðið gæðamerki í norrænu framleiðsluumhverfi, sérstaklega fyrir verkefni sem eru enn á leið í gegnum þróunar- eða framleiðsluferli. Slíkir styrkir geta skipt máli þegar verkefni leita að meðframleiðendum, dreifingaraðilum og frekari fjármögnun.
Álfrún Helga hefur unnið bæði sem leikkona, leikstjóri og höfundur.
Forða frá útrýmingu
Eins og sagði í frétt á sínum tíma á kvikmyndavefnum Klapptréi þá segir myndin frá umhverfissinnaðri tónlistarkonu sem leggur allt í sölurnar til að forða plöntutegundinni kúluskít frá útrýmingarhættu. En til að takast ætlunarverkið neyðist hún til að græða sárin sem gerðu hana aftengda öðru fólki.
Þar segir einnig að Kúluskít svipi til fyrri kvikmyndar Álfrúnar, Band, að því leyti að hún einkennist af töfrum skotnu raunsæi. „Verkefnið er dramatískt en bráðfyndið, um leið er það einkennilega sannur skáldskapur,“ segir Heather Millard framleiðandi kvikmyndarinnar við Klapptré í fréttinni.
SÝNHeimild: Nordisk Film & TV Fond
