Eftir margra ára vangaveltur, vonbrigði, sögusagnir og getgátur, þá eru þeir Robert Rodriguez og Frank Miller loksins byrjaðir á Sin City 2.
Þeir byrjuðu á myndinni í gær samkvæmt Empire tímaritinu, og nú hefur einn leikaranna úr fyrri myndinni bæst í hópinn til viðbótar, og einn nýr.
Jaime King er sú sem er mætt aftur til leiks og Jamie Chung er ný.
King lék hina fögru vændiskonu Goldie í fyrri myndinni, og dó reyndar í myndinni …., en það kemur ekki að sök því nú er tvíburasystir hennar mætt í bæinn, leikin af King að sjálfsögðu. Chung leikur síðan hlutverk Miho, sem Devon Aoki lék í fyrri myndinni.
Meðal annarra leikara sem hafa snúið aftur eru Mickey Rourke, Jessica Alba, og Rosario Dawson.
Myndin sem gerist í ofbeldisfullum teiknimyndaheimi er væntanleg á hvíta tjaldið í október 2013.
