Kick-Ass: Seinasta forsýningin í bili?

Miðasalan
á sýninguna fór upp fyrir rúmri viku síðan og hafa miðarnir farið út á
miklu minni hraða en við (s.s. aðstandendur síðunnar) bjuggumst við. Ef
mætingin reynist ekki vera góð núna á laugardaginn (eða aðfaranótt
sunnudags) þykir þ.a.l. afskaplega ólíklegt að við fáum að forsýna
„high profile“ bíómynd á næstu mánuðum. Þess vegna vildi ég endilega
nýta mér tímann og hvetja áhugasama um að mæta og taka þátt í
stemmningunni. (Upplýsingar um forsýninguna má annars finna hér til hægri – á hnappinum merktum „Kick-Ass“).

Kick-Ass
er ein af þessum myndum sem allir eiga eftir að tala um þegar hún er
komin út (trúið mér! – við mælum heiftarlega með henni, annars hefðum
við aldrei tekið sýninguna) . Sem stendur er íslenska „hæpið“ fyrir
henni ekki ennþá byrjað þar sem ekki mjög margir hafa lesið
myndasöguna. Ég hef m.a.s. fundið fyrir því að óvenju margir hafa ekki
einu sinni minnstu hugmynd um hvað ræman er. 

Við
gerum okkur grein fyrir því að sýningin er á óvenjulegum tíma en okkur
þykir í rauninni gaman að taka svona miðnætursýningar þar sem
stemmningin er oftast í hámarki. Fyrri reynsla hefur a.m.k. kennt okkur
það. Auk þess hafa miðnætursýningar verið að deyja út á undanförnum
árum. Kominn tími á að endurvekja þær. Auk þess verður Kick-Ass sýnd um
miðja helgi þannig að fáir eru á leiðinni í háttinn snemma (ef ég þekki
íslendinga rétt).

Allavega,
þá er enn til nóg af miðum á forsýninguna og langþægilegast er að kaupa
bara í næstu Sam-miðasölu. Ef þið hafið einhverjar fyrirspurnir sendið
þá á tommi@kvikmyndir.is.