Toppmynd síðustu viku, ævintýramyndin Jumanji: The Next Level, er traust á toppi íslenska bíóaðsóknarlistans aðra vikuna í röð, en nýr listi var gefinn út nú í byrjun vikunnar. Þess ber þó að geta að engin ný Hollywoodmynd bættist í bíóhús landsmanna fyrir síðustu helgi.
Aðra vikuna í röð situr einnig Frozen 2, sem hefur slegið í gegn hér á landi. Þriðja sætið er sömuleiðis óbreytt, en þar er enginn annar en Bond leikarinn Daniel Craig að rannsaka dularfullt sakamál í Knives Out.
Ein ný mynd er á listanum að þessu sinni, en það er pólska myndin How to Marry a Millionaire?, sem fer rakleiðis í fjórða sæti aðsóknarlistans.
Sjáðu listann í heild sinni hér fyrir neðan:
