Ástralski leikarinn Hugh Jackman á í viðræðum um að leika Wolverine í næstu X-Men mynd, X-Men: Days of Future Past, sem verður framhald myndarinnar X-Men: First Class ( sem var svo aftur forsaga þriggja fyrri X-men myndanna þar sem Jackman lék Wolverine ).
Umboðsmaður leikarans staðfesti þetta við E! News fréttaveituna.
Fyrr í vikunni sögðum við frá því að bæði Patrick Stewart og Ian McKellen myndu snúa aftur í Days of Future Past.
Í leikarahópnum eru einnig Michael Fassbinder, Nicholas Hoult, Jennifer Lawrence og James McAvoy.
Jackman sjáum við næst á hvíta tjaldinu í söngvamyndinni Les Misérables, eða Vesalingunum, sem frumsýnd verður nú um jólin.