Iron Patriot á nýju Iron Man 3 plakati

Nýtt plakat var að koma út fyrir Iron Man 3, og nú er það sjálfur Rhodey besti vinur Tony Stark sem er í aðalhlutverki á plakatinu, í Iron Patriot búningnum sínum.

Eins og flestir muna sem sáu síðustu mynd var hann í mun grámóskulegri búningi í síðustu mynd og kallaðist þá War Machine, eða Stríðstól.

Það er Don Cheadle sem leikur Rhodey, eða Iron Patriot.

Við höfum áður birt myndir af Iron Patriot af tökustað myndarinnar, en nú sést hann í fyrsta skipti í návígi auk þess sem höfuð Cheadle sést í fyrsta skipti í búningnum.

Búningurinn hefur fengið andlitslyftingu frá því þegar hann var War Machine. Bæði er hann kominn með nýjar græjur, en er einnig litríkari í bandarísku fánalitunum.

Sjáðu plakatið hér að neðan:

Plakatið var frumsýnt á facebook síðu Iron Man 3, en þar er hægt að sjá enn stærri útgáfu af plakatinu.

Þetta nýja útlit Rhodey lofar svo sannarlega góðu.

Iron Man 3 verður frumsýnd í Bandaríkjunum 3. maí nk. og í aðalhlutverkum eru Robert Downey Jr., Gwyneth Paltrow, Jon Favreau og fyrrnefndur Don Cheadle, en þau endurtaka öll hlutverk sín síðan síðast.

Auk þeirra þá hefur bæst við illmenni leikið af Ben Kingsley og leikararnir Guy Pearce, Rebecca Hall og James Badge Dale.

Hér að neðan er stiklan úr myndinni:

Stikk: